Зебур 32
32
Макътав йыры
1Эй, инсафлылар, РАББИ ичюн къычырып севининъиз!
Догъру юреклилерге шукюр сёзлери яраша.
2 #
Збр 70.22
Сантыр чалып, РАББИге шукюр этинъиз,
Он телли арфада Онъа чалгъы чалынъыз!
3 #
Збр 39.4; 95.1; 97.1; 143.9; 149.1; Еш 42.10; Сыр 5.9 Онъа янъы бир йыр йырланъыз,
Онъа къычырып, усталыкънен йырланъыз!
4РАББИнинъ сёзю догърудыр,
Онынъ бутюн ишлери ишанчлыдыр!
5 #
Збр 32.5; 61.8; 118.64 О, акъикъат ве адалетни севе;
дюнья РАББИнинъ севгисине толды.
6 #
Баш 1.6-7; Збр 148.5; Юх 1.3; Еуд 11.3 Коклер РАББИнинъ сёзюнен яратылгъан,
бутюн кок ордулары Онынъ Рухунен япылгъан.
7 #
Баш 1.9; Эюп 38.8-11; Збр 103.9; Йрм 5.22 О, денъиз сувларыны обалап къойгъан,
тюбю олмагъан чукъурларны Озь анбарына ерлештирген.
8Бутюн ер юзю РАББИден къоркъсун,
дюньяда яшагъанларнынъ эписи Онынъ огюнде къалтырасын!
9 #
Баш 1.3
О, айтты – айткъаны олды;
О, буюрды – эмири беджерильди.
10 #
Еш 19.3
РАББИ башкъа миллетлернинъ ниетини боза,
халкъларнынъ мурадыны ёкъ эте.
11 #
Икм 19.21; Еш 46.10 РАББИнинъ ниети исе эбедий тура,
Онынъ юрегининъ мурады несильден несильге кече.
12 #
Текр 7.6; Збр 143.15 Не де бахтлыдыр «РАББИ – Алламыз» деген халкъ!
РАББИ Озюне сайлагъан халкъ не де бахтлыдыр!
13 #
Эюп 7.18; 23.10; Збр 10.4 РАББИ коктен бакъа,
бутюн инсан огъулларыны коре.
14 #
Текр 26.15; Еш 63.15 О, Озь отургъан еринден
ер юзюнде яшагъанларнынъ эписини коре.
15О, бутюн адамларнынъ юрегини яраткъан,
инсан ишлерини бутюнлей анълай.
16 #
Ам 2.14
Аскерлери чокъ олса да, падиша къуртуламаз,
батырнынъ буюк къудрети онынъ озюни къорчаламаз.
17 #
Збр 19.8; Икм 21.31 Адам аткъа бошуна умют этер,
бу ат буюк къуветинен кимсени къуртарып оламаз.
18 #
Збр 146.11
Мына, РАББИ Ондан къоркъкъан адамларны,
Онынъ севгисине ишангъан адамларны коре.
19 #
3 Пад 17.6; Эюп 5.20 Олар: «Алла бизим джанларымызны олюмден къуртарыр,
ачлыкъ вакътында бизни сакълар», – деп беклейлер.
20 #
Баш 15.1; Текр 33.29 Джанымыз РАББИге ишана.
О, бизге ярдым этер ве бизни къорчалар.
21Юрегимиз Онынъ ичюн къувана,
биз Онынъ мукъаддес Адына ишанамыз.
22Я РАББИ, биз Санъа умют багъладыкъ,
Сенинъ севгинъ бизнен олсун!
Currently Selected:
Зебур 32: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
