Зебур 31
31
Тёвбе ве багъышлав
Давутнынъ маскили.
1Эгер адамнынъ къанунсыз ишлери багъышланса,
онынъ гуналары афу этильсе,
не де бахтлыдыр бойле адам!
2 #
Юх 1.47; Рим 4.7-8 РАББИ къабаатламагъан адам,
рухунда айнеджилик олмагъан адам
не де бахтлыдыр!
3Мен индемейип отургъан сайын,
кунь бою агълагъанымдан
кемиклерим зайыфлашты.
4Гедже-куньдюз Сенинъ къолунъ устюмде агъырлашты,
язнынъ къургъакълыгъында киби,
къуруп къалдым.
Сэла
5 #
Збр 37.19; 50.5; 1 Юх 1.9 Сенинъ алдынъда гунамны ачтым,
ич бир къабаатымны гизлемедим.
«Къанунсыз япкъанларымны РАББИге ачарым», – дедим,
ве Сен гунамнынъ къабаатыны багъышладынъ.
Сэла
6Шу себептен эр бир иманлы
керек вакътында Санъа дува этсин;
акъкъан сувлар ташса биле,
онъа зарар кетирмесин.
7 #
Збр 118.114
Сен – меним сыгъынагъым!
Сен мени белядан сакълайсынъ,
къуванчлы енъиш къычырувларынен
Сен мени сарып аласынъ!
Сэла
8«Мен санъа акъыл огретеджегим,
юреджек ёлунъны косьтереджегим.
Козюм сенинъ устюнъде олып,
Мен санъа ёлбашчылыкъ япаджагъым», – дединъ.
9 #
Икм 26.3; Якъ 3.3 Ат я да къатыр киби, акъылсыз олманъыз!
Оларнынъ агъызларына юген ве агъызлыкъ такъмасанъ,
олар санъа якъынлашып бойсунмаз.
10Ярамай адамнынъ дертлери чокъ олур.
РАББИге ишангъан адамны исе
севги сарып ала.
11 #
Збр 67.4
Эй, инсафлылар, РАББИ ичюн къуванынъыз,
къуванчнен къычырынъыз,
севининъиз, эй, догъру юреклилер!
Currently Selected:
Зебур 31: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
