Зебур 18
18
Алланынъ Шурети Онынъ къанунларында ве О яраткъан шейлеринде корюне
1Баш чалгъыджы ичюн. Давутнынъ зебуры.
2 #
Збр 49.6; 88.6; 96.6 Коклер Алланынъ шуретини бильдире,
кок къуббеси Онынъ яраткъаны акъкъында хабер бере.
3Коклер куньден-куньге лаф эте,
геджелери олар бильги сачалар.
4Эр бир тильде, эр бир шиведе
оларнынъ сеси эшитиле.
5 #
Рим 10.18
Оларнынъ сеси бутюн ер юзюнден кече,
оларнынъ хабери дюньянынъ четине ете.
Алла кунеш ичюн анда мескен япты;
6 #
Джем 1.5;
Ёэль 2.16
кунеш, никях одасындан киев киби, чыкъа,
батыр киби, къуванып, озь месафесини чапып кече.
7Онынъ чыкъкъан ери – кокнинъ четиндедир,
ёлу исе башкъа четине бара,
сыджагъындан ич бир шей сакъланмаз.
8 #
Текр 4.7;
Збр 22.3; 118.130 РАББИнинъ Къануны мукеммельдир,
о, джангъа кучь бере.
РАББИнинъ шаатлыгъы догърудыр,
о, саде адамгъа акъыл бере.
9 #
Збр 12.4;
Рим 7.12
РАББИнинъ къаиделери догърудыр,
олар юрекни къувандыра.
РАББИнинъ эмири темиздир,
о, козьлерни ярыкълата.
10 #
Збр 118.142, 151, 160 РАББИден къоркъмакъ – темиз ве эбедийдир,
РАББИнинъ къарарлары керчек ве бутюнлей догърудыр.
11 #
Икм 3.14; 8.10; 24.13 Олар алтындан, чокъ ве темиз алтындан зияде истек догъура,
олар балдан, солакъ балынынъ тамчысындан да татлыдыр.
12Сенинъ къулунъны да олар сакълай,
оларгъа бойсунгъан адам буюк мукяфат алыр.
13Ким озь янълышларыны коре билир?
Гизли хаталардан мени темизле!
14 #
Сай 15.30;
Рим 6.12, 14 Биле-биле япылгъан гуналардан Озь къулунъны сакъла,
олар манъа аким олмасын.
О вакъытта мен къабаатсыз,
буюк бозукълыкътан темиз олурым.
15 #
Збр 17.3
Агъзымдан чыкъкъан сёзлернен,
юрегимден кечкен тюшюнджелернен
разы ол, я РАББИ!
Сен – меним таянгъан Къаям ве Къуртарыджымсынъ!
Currently Selected:
Зебур 18: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
