Зебур 17
17
Давутнынъ йыры
1Баш чалгъыджы ичюн. РАББИнинъ къулу акъкъында. РАББИ Давутны эписи душманларындан ве Шаулнынъ къолундан къуртаргъан куню, Давут РАББИге бу йырны йырлады:
2 #
Текр 6.5; Збр 114.1 Сени севем, я РАББИ!
Сен меним къуветимсинъ!
3 #
Баш 15.1;
Збр 18.15; 30.3-4; 70.3; 90.2; 143.2 РАББИ – меним къаям,
меним къалем ве меним къуртарыджымдыр!
Аллам – меним къаям, мен Онъа умют багълайым.
О – меним къалкъаным, къуртулышымнынъ къувети,
меним юксек, енъильмез керменим!
4 #
1 Тар 16.25; Збр 47.2; 95.4; 144.3 Макътавгъа ляйыкъ РАББИмни чагъыраджагъым,
ве О, мени душманларымдан къуртараджакъ.
5 #
Збр 41.7; 92.4; Юнус 2.4 Олюм йиплери мени сарып алды,
акъсызлыкънынъ дерьялары мени зияде къоркъузды.
6 #
Збр 114.3
Джеэннем зынджыры мени багълады,
олюм тузакълары мени якъалады.
7 #
Юнус 2.8
Башым беляда къалгъанда,
РАББИмни чагъырдым,
Алламдан имдат истедим.
Сарайындан О, сесимни эшитти,
яйгъаргъаным Онынъ къулагъына барып етти.
8 #
Къад 5.5; Збр 76.18; 96.4 О, гъазаплангъаны ичюн, ер юзю тепренип титреди,
дагъларнынъ темеллери сарсылып, еринден къыбырдады.
9 #
Збр 20.9; Еш 30.33; Ехез 20.48 Бурнундан тютюн чыкъты,
агъзындан эр шейни ёкъ этиджи атеш фышкъырды,
алевленген комюр сепильди.
10 #
Збр 143.5; Еш 64.1;
Нах 1.3
О, коклерни ачып, ашагъы тюшти,
аякъларынынъ тюбюнде къаранлыкъ эди.
11 #
Збр 103.3
Керувнынъ устюне минип, учты,
ельнинъ къанатларында авеледи.
12 #
Чыкъ 20.21; Збр 96.2 Озюни къаранлыкънен орьтти,
къара, сувдан агъырлашкъан булутларгъа сарылды.
13 #
Ехо 10.11; Еш 30.30 Онынъ къаранлыгъы огюнде йылтырагъан нур джайыла,
ондан бурчакъ ве комюр алеви чыкъа.
14 #
1 Пад 2.10; Эюп 37.4-5; Збр 67.34; 76.18-19 РАББИ коклерден гудюрдеди,
Юдже Алланынъ сеси котерильди,
бурчакъ ве атешли комюр ёллады.
15 #
1 Пад 7.10;
Хав 3.11; Зек 9.14 О, окълар атып, душманларыны дагъытты,
йылдырымнен оларны шашмалатты.
16 #
Чыкъ 15.8; Збр 105.9 РАББИнинъ къоркъунчлы сесинден,
Онынъ ачувлы нефесинден денъизнинъ сув башы ачылды,
ер юзюнинъ темеллери корюнди.
17 #
Збр 143.7
Юкъарыдан элини узатып, О, мени алды,
терен сувлардан чыкъарды,
18 #
Збр 141.6
кучьлю душмандан сакълады,
мени кореджек козю олмагъанлардан,
менден кучьлю душманларымдан къорчалады.
19Башыма беля тюшкенде,
олар манъа уджюм эттилер,
лякин РАББИ манъа ярдым этти.
20 #
Збр 30.8; 117.5 О, мени чаресиз алдан чыкъарды,
менден разы олгъаны ичюн, мени къуртарды.
21 #
1 Пад 26.23; Эюп 22.30 РАББИ инсафлыгъыма коре манъа мукяфат берди,
эллеримнинъ темизлигине коре манъа къайтарды.
22Мен РАББИнинъ эмирлерини тута эдим,
Алламнынъ огюнде яманлыкъ япмадым.
23Къарарларынынъ эписи – козюм огюнде,
низамнамелеринден чекильмедим мен.
24 #
Баш 6.9; Эюп 1.1 Онынъ огюнде къабаатсыз эдим,
гуна япмакътан сакъындым.
25РАББИ инсафлыгъыма коре манъа мукяфат берди,
Онынъ огюнде эллеримнинъ темизлигине коре манъа къайтарды.
26Ишанчлы адамнен Сен ишанчлысынъ,
къабаатсыз адамнен – бутюнлей догърусынъ.
27Темиз адамнен – темизсинъ,
яланджыгъа яланына коре бересинъ.
28 #
Збр 100.5
Алчакъгонъюллини къуртарасынъ,
макътангъан адамны исе алчакълатасынъ.
29 #
2 Пад 21.17; 4 Пад 8.20; Збр 131.17 Сен лампадыма нур бересинъ!
РАББИ олгъан Аллам къаранлыгъымны айдынлата.
30Сенинъ къуветинънен мен ордуларны къырам,
Алламнен берабер диварларгъа чыкъам.
31 #
Баш 15.1;
Текр 32.4;
Збр 11.7; Икм 30.5; Мт 5.48 Алланынъ ёлу къусурсыздыр!
РАББИнинъ сёзю къавийдир!
Онъа умют багълагъанларнынъ эписини О, къорчалай!
32 #
4 Пад 5.15; Еш 45.5; Дан 2.47 РАББИден гъайры башкъа Алла бармы?
Алламыздан гъайры башкъа сарсылмаз къая бармы?
33Алла манъа кучь бере,
догъру ёлны косьтере.
34 #
Текр 32.13; Еш 58.14; Хав 3.19 Аякъларымны джейран киби тез япа,
юксеклерге мени къоя.
35 #
Збр 143.1
Къолларымны дженк этмеге азырлай,
эллеримни тунч яйны тартмагъа огрете.
36Манъа берильген къуртарувынъ – къалкъан кибидир,
онъ къолунъ манъа ярдым эте,
мераметинъ мени къуветлештире.
37Аякъ тюбюмдеки ёлны кениш япасынъ,
аякъларыма таймагъа ёл бермейсинъ.
38 #
Чыкъ 23.27
Душманларымнынъ пешинден къувалайым,
артларындан етем.
Олар тамамынен гъайып олмагъандже,
артыма къайтмайым.
39Мен оларны агъыр яралайым.
Олар бир даа котерильмейлер,
аягъым астына йыкъылалар.
40Сен манъа дженк этмек ичюн кучь бересинъ,
манъа къаршы исьян котергенлерни огюмде ерге йыкъасынъ.
41 #
Чыкъ 23.27
Душманларымны менден къачмагъа меджбур этесинъ,
менден нефретленгенлерни ёкъ этем.
42 #
Эюп 27.9; Икм 15.29 Олар ярдым истейлер,
амма оларны къуртаргъан кимсе ёкъ.
РАББИни чагъыралар,
амма О, оларны эшитмей.
43 #
Микъа 7.10; Зек 10.5 Мен оларны топракъкъа айландырам,
ель огюнде тоз киби япам,
сокъакъ чамуры киби таптап эзем.
44 #
Еш 55.5
Сен мени халкъымнынъ исьянындан къорчаладынъ.
Мени тюрлю миллетлерге башлыкъ этмек ичюн къойдынъ.
Мен бильмеген халкъ манъа хызмет эте.
45 #
Текр 33.29
Олар эмирлеримни эшитип, шу ань беджерелер;
ябанджылар манъа ялтакъланып бойсуналар.
46 #
Микъа 7.17
Ябанджыларнынъ отьлери патлай,
къалтырап, сакълангъан ерлеринден чыкъалар.
47РАББИ яшай! Онъа, меним Къаяма, шукюрлер олсун!
Меним Алламны, Къуртарыджымны,
Къаямны шуретленъиз!
48 #
Збр 46.3
Алла, Сен меним ичюн интикъам аласынъ,
халкъларны манъа бойсундырасынъ,
49мени душманларымдан къуртарасынъ.
Манъа къаршы чыкъкъанлардан
Сен мени юксельттинъ,
мераметсиз адамдан мени къуртардынъ!
50 #
Рим 15.9
Шунынъ ичюн, РАББИ, чешит тюрлю миллетлернинъ огюнде
Санъа шукюрлер этеджегим,
Адынъа шан йырларыны йырлайджагъым!
51 #
Збр 143.10;
2 Пад 7.16
Сен Озь падишанъны къуртарасынъ,
Озь Месихинъе Давуткъа ве эвлятларына эбедиен Сенинъ севгинъни косьтересинъ!
Currently Selected:
Зебур 17: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
