Зебур 19
19
Енъиш дувасы
1Баш чалгъыджы ичюн. Давутнынъ зебуры.
2 #
Збр 68.30; Икм 18.11 Агъыр куньде РАББИ сени эшитсин,
Якъупнынъ Алласынынъ Ады сени къорчаласын!
3 #
Збр 127.5; 133.3 О, мукъаддес мескенинден санъа ярдым ёлласын,
Сиондан санъа такъат берсин!
4О, сенинъ бутюн бахшышларынъны хатырласын,
бутюнлей якъыладжакъ къурбанларынъны къабул этсин!
Сэла
5 #
Збр 20.3
Алла санъа гонълюнъ истегенини берсин,
бутюн муратларынъны беджерсин!
6Биз Сенинъ къуртарувынъ ичюн къычырып къуванаджакъмыз,
Алламызнынъ Адынен байракъ котереджекмиз.
РАББИ бутюн истеклеринъни беджерсин!
7Энди ачыкъ-айдын бильдим ки,
РАББИ Озь Месихини къуртараджакъ;
Онъ къолунынъ къуртарыджы кучюнен
мукъаддес коклерден онъа джевап береджек.
8 #
1 Пад 17.45;
Збр 32.17;
Икм 21.31; Еш 31.1; 36.9 Базылары – дженк арабаларына,
даа базылары – атларына ишаныр.
Бизлер исе – РАББИмизнинъ Адына,
Алламызнынъ Адына ишанырмыз.
9Олар салланып тюштилер,
бизлер исе котерилип тик турамыз.
10Я РАББИ, падишаны къуртар,
Сени чагъыргъан кунюмизде бизге джевап бер!
Currently Selected:
Зебур 19: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
