Зебур 16
16
Раббиге умют
Давутнынъ дувасы.
1Я РАББИ, меним акъикъатымны динъле,
фигъаныма къулакъ ас,
ялансыз дудакъларымдан чыкъкъан дувамны къабул эт!
2Озюнъ мени суд эт,
Сенинъ козьлеринъ акъикъаткъа бакъсын!
3 #
Эюп 23.10; Збр 65.10 Сен юрегимни сынадынъ, гедже манъа кельдинъ.
Сен мени сынадынъ ве ич бир яманлыкъ тапмадынъ.
Дудакъларым гуна япмайджакъ, къарарына кельдим.
4Сенинъ сёзлеринъе коре,
мен адамларнынъ ишлеринде
зулумлыкъ ёлларындан озюмни сакъладым.
5 #
Эюп 23.11
Адымларымны Сенинъ ёлларынъда туттым,
меним аякъларым таймады.
6Санъа ялварам мен, эй, Алла,
Сен мени эшитеджексинъ.
Къулагъынъны ас манъа, сёзюмни динъле!
7 #
Збр 30.22
Аджайип севгинъни косьтер!
Сен онъ къолунънен Санъа ишангъанларны
Санъа къаршы чыкъкъанлардан къуртарасынъ!
8 #
Текр 32.10; Рут 2.12; Збр 35.8; 56.2; 62.8; 90.4; Зек 2.8 Козь бебеги киби, мени къорчала,
Озь къанатларынънынъ кольгесинде мени сакъла
9манъа уджюм эткен яман адамлардан,
эр ерден джанымны сарып алгъан душманларымдан!
10 #
Збр 118.70
Оларнынъ юрегини ягъ баскъан,
агъызлары къопайып макътаналар.
11Эр адымда мени сарып алып,
мени ерге урмакъ ичюн,
козьлерини манъа тиктилер.
12 #
Эюп 38.40; Збр 9.29 Олар парча-парча этмеге истеген арслангъа,
гизли ерде яткъан арслан баласына ошайлар.
13Я РАББИ, тур!
Оларгъа уджюм этип, оларны ерге йыкътыр!
Озь къылычынънен джанымны ярамайлардан къуртар!
14Я РАББИ, бойле адамлардан,
шу дюньянынъ адамларындан
Озь къолунънен мени къуртар!
Олар озь пайыны бу дюньяда алдылар.
Сен оларнынъ къурсакъларыны анбарларынъдан толдурасынъ:
огъуллары токъ, къалымты исе балаларына етеджек!
15 #
Эюп 19.26; 33.26 Мен исе акъикъатта Сенинъ бетинъе бакъаджагъым,
уянгъанымда, Сенинъ сыфатынъа тояджагъым.
Currently Selected:
Зебур 16: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
