Эюп 4
4
Элифазнынъ биринджи лафы
1Теманлы Элифаз бойле джевап берди:
2– Санъа бир шей айтсам,
джанынъ агъырмазмы?
Айтмасам, ичим дерт толаджакъ!
3 #
Еш 35.3
Сен чокъусына огют бердинъ,
рухтан тюшкенлерге таянч эдинъ,
4ёлдан урулгъанларгъа сёзлеринъ такъат берди,
тизи титрегенлерге сен къувет бердинъ.
5Лякин беля санъа кельгенде, сен такъаттан тюштинъ,
къаза башынъа тюшкенде, сен къоркътынъ.
6 #
Эюп 1.1
Алладан къоркъкъанынъ санъа эминлик бермезми,
догъру яшагъанынъ санъа ишанч олмазмы?
7 #
Збр 33.10-11; 36.25; Икм 10.3 Тюшюн да бакъ, къабаатсыз адам гъайып олдымы?
Догъру адамлар бирде-бир ерде ёкъ этильдими?
8 #
Икм 22.8; Гал 6.7-8 Корьгениме коре, кемлик ве яманлыкъ сачкъанлар
белялар берекетини джыяр.
9 #
Чыкъ 15.8; Збр 17.16; Эюп 15.30; Еш 30.33 Алла уфюрер ве оларны гъайып этер,
гъазабы эсер, ве олар ёкъ олур.
10Багъыргъан арсланнынъ сеси кесилир,
яш арсланларнынъ тишлери къырылыр.
11Аш тапамагъаны ичюн арслан олер,
балалары тараф-тараф къачар.
Элифазнынъ корьгени
12Бир сёз гизли манъа келип етти,
къулагъым фысылтыны эшитти.
13 #
Баш 15.12; Эюп 33.15 О гедже мен къоркъунчлы тюшни корьдим,
о вакъыт къатты юкъу адамларны сарды.
14 #
Збр 118.120
Мен къоркътым ве пек титредим,
эписи кемиклерим къалтырады.
15Устюмден бир ель кечти,
ве тёпе сачларым тикленди.
16 #
3 Пад 19.12
Кимдир турды, амма не олгъаныны анъламадым,
козюм огюнде анълашылмагъан бир шей тура эди.
Тынчлыкъ ерни къаплады. Сонъ сесни эшиттим:
17 #
Эюп 9.2; 25.4; Збр 142.2; Джем 7.20 – Алланынъ огюнде адам къабаатсыз олурмы?
Яратыджысынынъ огюнде инсан темиз ола билирми?#4.17 Даа бойле терджиме этмеге мумкюн: «Адам Алладан адалетли олмакъ мумкюнми? Инсан Яратыджыдан саф олмакъ мумкюнми?»
18 #
Эюп 15.15
Мына, Алла Озь къулларына ишанмаз,
Озь мелеклерини биле хаталарда къабаатлар.
19Я адамлар акъкъында не айтмагъа мумкюн?
Олар тоз-топракъта тургъан,
балчыкътан япылгъан эвлерине ошайлар.
Оларны сюмеден къолай эзмеге мумкюн.
20Саба сагъ-селямет олып, акъшамгъа олелер.
Гъайып олгъанларда да, кимсе фаркъына бармаз.
21 #
Эюп 36.12
Олардан къалгъан барлыкъ башкъаларына къысмет ола.
Алланынъ истегини анъламайып,
олар олип кетелер.
Currently Selected:
Эюп 4: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
