Эюп 5
5
Элифаз Эюпны къабаатлай
1 #
Эюп 15.15; Збр 88.6; Зек 14.5 Эгер ялварсанъ, санъа джевап бериледжекми?
Азиз мелеклернинъ къайсына кетеджексинъ?
2 #
Икм 29.11
Ахмакъны ачувы ольдюрир,
акъылсызны пахыллыгъы гъайып этер.
3Мен ахмакънынъ яхшы яшагъаныны корьгенимнен,
шу дакъкъасы онынъ эвини къаргъадым.
4Балалары ярдым корьмез,
шеэр къапусы янында олар адалетни тапмаз,
оларнынъ къорчалайыджысы олмаз.
5Ач олгъанлар онынъ берекетини ашар,
тикенлернинъ арасында олгъанларыны биле топлар,
ве сувсагъанлар ахмакънынъ байлыгъыны ютар.
6Беля тоз-топракътан пейда олмаз,
къаза бош ерден кельмез.
7Атеш ялынлары тёпеге учкъаны киби,
азап чекмек де – эр кеснинъ къысметидир.
Элифаз айта ки, эр шейни Аллагъа къалдырмакъ керек
8Сенинъ еринъде мен Аллагъа ялварыр эдим,
ишимни Аллагъа къалдырыр эдим.
9 #
Эюп 9.10; 37.5 О, акъылымыз етмеген буюк ишлерни япа,
аджайип шейлер япкъанларыны саймагъа чаре ёкъ.
10 #
Збр 64.10; 146.8 Ер юзюне ягъмур ягъдырыр,
тарлаларгъа сувлар акъызыр.
11 #
1 Пад 2.7
Хорлангъанларны О, юксельтир,
агълагъанларны къуртарыр.
12Айнеджи олгъанларнынъ макъсатларыны бозар,
къоллары ниетлерини беджермез.
13 #
Эюп 18.7; 1 Кор 3.19 О, акъыллы адамларны оларнынъ айнеджилигинен тутып алыр,
яланджыларнынъ планлары да бошуна олур.
14 #
Текр 28.29; Эюп 12.25; Еш 59.10 Куньдюз къаранлыкъ оларны къаплар,
уйле вакътында да, геджеси киби, къармаланалар.
15 #
Збр 34.10
Алла фукъарени къылычтан къорчалар,
кучьлюнинъ агъзындан ве къолундан оларны къуртарыр.
16 #
Збр 62.12; 106.42 Гъарип ишаныр,
яманлыкъ озь агъзыны къапатыр.
17 #
Збр 93.12; Икм 3.11 Алла акъыл огреткен адам не бахтлыдыр,
шунынъ ичюн Къудретли Алланынъ тербиесини ред этме.
18 #
Текр 32.39; Еш 30.26; Хош 6.1 О, эм яралар, эм яраларны сарар.
Урса биле, къоллары шифа берер.
19 #
Збр 33.20; Икм 6.16; 30.18 Алты белядан сени къуртарыр,
единджиси де санъа зарар кетирип олмаз.
20 #
3 Пад 17.6; Збр 32.19; 36.19 Ачлыкъта олюмден,
дженкте къылычтан О, сени къорчалайджакъ.
21 #
Збр 30.21
Къамчыдай аджджы тиллерден сакъланаджакъсынъ,
буюк белялар кельгенде, къоркъмайджакъсынъ.
22Ёкъ этилюв ве ачлыкъ олгъанда, куледжексинъ,
кийик айванлар да сени къоркъузмайджакъ.
23Тарладаки ташлар – сенинъ тарафынъда,
кийик айванларнен муаббетликте яшайджакъсынъ.
24Биледжексинъ ки, чадырынъда аманлыкъ бар.
Эвинъе бакъып, ич бир къусур тапмайджакъсынъ.
25 #
Збр 71.16
Балаларынъ чокълашаджакъ,
эвлятларынъ да ер юзюндеки от киби оладжакъ.
26 #
Баш 15.15; 25.8 Пишкен богъдай вакътына джыйылгъаны киби,
мезаргъа къартлыгъынъда киреджексинъ.
27Бакъ, биз бойле нетиджеге кельдик,
мен санъа айткъаным догърудыр.
Онынъ ичюн буны динъле ве акълынъда тут.
Currently Selected:
Эюп 5: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
