Эюп 3
3
Эюп догъгъанына пешман
1Ондан сонъ Эюп агъзыны ачты ве догъгъан кунюни къаргъады. 2Сёзюни башлап, о, бойле деди:
3 #
Йрм 20.14-18
– Догъгъан кунюм ёкъ олгъайды,
Мен анамнынъ къурсагъында пейда олгъан гедже гъайып олгъайды!
4О кунь къаранлыкъкъа чевирильгейди,
Юдже Алла оны унуткъайды,
о куню кунеш де догъмагъайды.
5О кунь къаранлыкънынъ ве олюм кольгесининъ къысмети олгъайды,
булутлар оны къаплагъайды,
къаранлыкъ о куннинъ отюни патлаткъайды.
6О геджени зифт къаранлыкъ къаплагъайды,
йылнынъ куньлери арасындан силингейди,
айлардан ич бирине кирмегейди.
7О геджеси бир къадын юкке къалмагъайды,
шу геджеси шенълик сеслери эшитильмегейди.
8Ырымджылар шу геджени къаргъагъайды,
ливьятанны#3.8 Ливьятан – сувда, денъиз теренлигинде яшагъан дешетли махлюкъ. уяндыра бильгенлер
оны лянетлегейди.
9Танъ йылдызлары къара къалгъайды.
Шу гедже ярыкъны беклеп отургъайды,
лякин догъгъан кунешнинъ шавлелерини корьмегейди.
10Ойле олгъайды, чюнки шу гедже анамнынъ къарыныны къапатмады,
чюнки о, манъа чокъ беля ве кедер кетирди.
11 #
Эюп 10.18-19
Не ичюн догъгъанымда ольмедим?
Неге къарындан чыкъкъан сонъ гъайып олмадым?
12Не ичюн мени къучакъларына алдылар?
Неге манъа эмчек бердилер?
13Энди ятар да, тынчланыр эдим,
раат олып, юкълар эдим.
14Йыкъылгъан шеэрлерни янъыдан къургъан#3.14 Даа бойле терджиме этмеге мумкюн: «Биналары энди виран къалгъан».
дюньянынъ падишаларынен ве насиатчыларынен берабер энди олур эдим,
15алтын топлагъан, эвлерини кумюшке толдургъан
башлыкъларнен бирликте къалыр эдим.
16 #
Збр 57.8; Джем 6.3 Мени, тюшюкни киби, гизли сакълагъайдылар,
кунь ярыгъыны корьмеген сабийлерни киби, топракъкъа комгейдилер.
17Анда яман адамлар къоркъузмаз,
о ерде такъаттан кесильген инсанлар раатланыр.
18Эсирлернинъ эписи раатлыкъ тапар,
озь хорлайыджыларнынъ сесини эшитмезлер.
19Кучюклер де, буюклер де андадыр,
ве къуллар эфендисинден азаттыр.
20 #
Йрм 20.18
Хорлангъанларнынъ,
ичлери къасеветлерге толу адамларнынъ омюри неден девам этер?
21 #
Йрм 8.3; Сыр 9.6 Олар олюмни беклей, о исе кельмей,
оны сакълангъан байлыкътан зияде къыдыралар.
22 #
Джем 3.20
Олар мезаргъа тюшкенде,
юреклери пек къуваналар.
23 #
Эюп 19.8
Келеджекте не оладжагъыны бильмеген инсангъа,
чевресини Алла корьсетмеген адамгъа
неге яшайыш берилир?
24Ынъранувларым – меним ашым,
агълавларым – акъкъан сувлар кибидир.
25 #
Икм 10.24; Еш 66.4 Къоркъунчлы къасеветлер меним башыма тюшти,
неден пек къоркъа эдим, о да башыма кельди.
26Тынчлыкъ-аманлыкъ ёкъ, раатлыкъ ёкъ,
башыма белялар тюше.
Currently Selected:
Эюп 3: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
