Эюп 35
35
Элихунынъ учюнджи лафы
1Элиху девам этип, бойле деди:
2«Алладан акълым», – дегенинъни
догъру саясынъмы?
3 #
Эюп 9.22; 21.16 Сен: «Манъа не файда?
Гуна ишлемесем де, не файда?» – дейсинъ.
4Мен санъа ве достларынъа
бойле джевап берерим:
5 #
Эюп 22.12
– Коклерге бакъ да корь,
устюнъде юксельген булутларгъа козь ташла.
6Гуна ишлесенъ, Аллагъа не зарар олур?
Акъсызлыкъларынъ чокълашса, Онъа не япар?
7 #
Эюп 22.2-3
Догъру олсанъ, Онъа бергенинъ недир?
Я да О, сенинъ къолунъдан не алыр?
8Яманлыгъынъ янъгъыз сен дайын адамларгъа зарар кетирир,
догърулыгъынъ да тек инсан огълу ичюндир.
9 #
Чыкъ 2.23; Эюп 34.28; Джем 4.1; 5.7 Хорлавларнынъ чокълугъындан
адамлар агълай,
кучьлюлернинъ къолундан къуртулыш истегенде,
олар ярдымгъа чагъыралар.
10 #
Збр 41.9
Амма кимсе демей:
«Алла къайда?
Геджелери манъа такъат берген#35.10 Къ. еуд. сёзю-сёзюне «манъа геджеде тюркюлерни берген» демектир. Яратыджым къаерде?
11О, бизни ер юзюндеки айванлардан чокъ огрете,
коктеки къушлардан зияде бизге акъыл бере».
12 #
Эюп 27.9
Яман адамларнынъ къопайлыгъы ичюн,
олар ярдымгъа чагъырса да,
О, оларгъа джевап бермез.
13Алла керчектен бош лафны эшитмез,
Къудретли онъа къулакъ асмаз.
14 #
Эюп 9.11; 23.9 Сен исе айтасынъ: «Оны корьмейим.
Давам Онынъ огюнде, Оны беклерим»,
15ве: «Энди Алланынъ гъазабы ич бир адамны джезаламаз!
О, акъсызлыкъны акъылына биле алмаз!»
16 #
Эюп 34.35, 37; 38.2; 42.3 Эюп агъзыны бошуна ачты,
бир шей бильмей,
сёзлерни исе арттыра.
Currently Selected:
Эюп 35: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
