Эюп 34
34
Элихунынъ экинджи лафы
1Элиху лафыны девам этип бойле деди:
2– Эй, акъыллы адамлар, айткъанларымны динъленъиз,
къулакъ асынъ манъа, эй, бильгенлер!
3 #
Эюп 12.11
Тамакъ ашнынъ леззетини насыл айырса,
къулакъ да сёзлерни сынай.
4Келинъ, адалет не олгъаны акъкъында къарар чыкъарайыкъ,
яхшы дегени не олгъаныны билейик.
Элиху Эюпны адалетсизликте къабаатлай
5 #
Эюп 27.2; 33.9 Эюп: «Мен къабаатсызым, – деди.
– Алла исе манъа адалет косьтермеди.
6Чыкъарылгъан къараргъа коре, мен яланджым#34.6 Бу джумленинъ манасыны даа бойле тариф этмеге мумкюн: «“Мен къабаатлым”, – деп ялан айтмакъ керекимми мен?».
Акъсызлыгъым ёкъ,
лякин пек агъыр яраландым».
7 #
Эюп 15.16; Икм 19.28 Эюп киби адам бармы?
Сув ичкени киби,
о, мыскъыллай,
башкъаларнынъ устюнден куле,
8 #
Збр 1.1
беля кетиргенлернен достлаша,
яман адамларнен бир ёлда юре.
9 #
Эюп 9.22; 21.16 О: «Алланынъ разылыгъыны къыдырмакъ
адам ичюн файдасыздыр», – деди.
Элиху Алланынъ адалетлиги акъкъында айта
10 #
Баш 18.25; Збр 91.16 Бойледже, анълагъан адамлар, мени динъленъиз!
Яманлыкъ Алладан узакътыр,
адалетсизлик Къудретлининъ янында ёкъ.
11 #
Икм 24.12; Збр 61.13 О, эр кеске ишине коре берер,
арекетлерине коре акъкъыны кетирир.
12 #
Эюп 8.3
Акъикъатен, Алла яманлыкъ япмаз,
Къудретли акъсызлыкъ этмез.
13Ер юзюни бакъмагъа Оны ким къойды?
Бутюн дюньягъа башлыкъ этмеге Онъа ким буюрды?
14Эгер О, юрегинде истеп,
Рухуны ве омюр берген нефесини арткъа алса,
15 #
Баш 3.19; Збр 89.4; 103.29; Джем 3.20; 12.7 эр бир джан бир аньде ёкъ олур,
адам кене тозгъа чевирилир эди.
16Бойледже, сенде анълав олса, динъле,
сёзлериме къулакъ ас.
17Акъикъатны кореджек козю олмагъан бири
башлыкъ этип олурмы?#34.17 Я да «яраларыны багълармы?»
Догърулыкъта буюк Алланы
яманлыкъ япкъанында къабаатларсынъмы?
18Падишагъа: «Ярамазсынъ»,
мырзаларгъа: «Яман адамларсынъыз», – демеге мумкюнми?
19 #
Эюп 31.15; Икм 22.2 Лякин О, ёлбашчыларгъа айры урьмет косьтермей,
бай-фукъарени айырмай,
чюнки олар эписи – Онынъ яраткъанларыдыр.
20 #
Дан 8.25
Бир аньде олар олелер,
гедже ярысында халкъ къалтырар ве ёкъ олур,
кучьлю инсанлар да гъайып олып кетер,
оларгъа къаршы исе кимсе кучь къулланмаз.
21 #
Эюп 14.16; 31.4 РАББИнинъ козю адамларнынъ ёлунда,
эр аткъан адымларыны О, корер.
22 #
Збр 138.12
Акъсызлыкъ япкъанларнынъ сакъланып оладжакъ
не къаранлыгъы, не де олюм кольгеси бардыр.
23Шунынъ ичюн джевап бермек ичюн
огюне кельсинлер деп,
Аллагъа адамларны чагъырмагъа керекмей.
24 #
Збр 2.9
Кучьлюлерни сорамаздан къырып ташлар,
оларнынъ ерине башкъаларны къояр.
25Керчектен де, О, оларнынъ япкъанларыны билир,
гедже оларны авдарыр, ве олар къырылыр.
26Эр кеснинъ козю огюнде,
къанунны бозгъанлар джезалангъан ерде оларны урар,
27чюнки олар Ондан вазгечтилер,
эписи ёлларыны анъламагъа истемедилер.
28 #
Эюп 35.9
Шунынъ ичюн ёкъсулларнынъ ярдымгъа чагъыргъаны
Онъа барып етти,
фукъарелернинъ агълавыны О, эшитти.
29Лякин О, сессиз къалса,
Оны ким къабаатлап олур?
Юзюни гизлесе,
Оны ким корип олур?
Эм халкъкъа, эм бир адамгъа бир олур,
30алласыз адам падишалыкъ этмесин,
халкъны ёлдан урмасын деп.
31Бирев Аллагъа:
«Джезаландым, башкъа гуна япмайджагъым,
32бильмегенлеримни манъа огрет,
акъсызлыкъ эткен олсам, бир даа этмем», – айтса,
33сенинъ тюшюнгенлеринъе коре,
Алла акъкъыны береджекми?
Оны ред эткенинъ ичюн,
сен сайлайджакъсынъ, мен дегиль,
бильгенлеринъни айт, бакъайым.
34Акъыл-ферасетли адамлар,
мени динълеген икметли инсанлар манъа ойле айтаджакълар:
35 #
Эюп 35.15
«Эюп не айткъаныны бильмей,
сёзлери де манасыз».
36Инсафсыз адамлар дайын джевап бергени ичюн,
Эюп бутюнлей сыналгъайды!
37 #
Эюп 27.23; Агъл 2.15 О, гунасына даа Аллагъа къаршылыгъыны къоша,
бизим арамызда Алланы мыскъыллай,
Онъа къаршы даа зияде лаф эте.
Currently Selected:
Эюп 34: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
