Эюп 33
33
Элиху Эюпкъа мураджаат эте
1Шимди сёзюмни динъле, Эюп,
айтаджакъ эр шейиме къулакъ ас.
2Мына, агъзымны ачтым,
тилим дудакъларымнен айтарлар.
3Сёзлерим догъру юректен чыкъар,
дудакъларым бильгенлеримни ачыкъ айтар.
4 #
Баш 2.7; Эюп 27.3; 32.8; Збр 103.30; Фаал 17.25 Мени Алланынъ Руху яратты,
Къудретлининъ нефеси манъа омюр берди.
5Элинъден кельсе, манъа джевап бер,
азырлан ве къаршымда тур.
6 #
Эюп 4.19; 10.9; Еш 64.8 Алланынъ огюнде мен де сен кибидирим#33.6 Я да «Мына, айткъанынъа коре, мен Алланынъ еринедирим».,
мен де чамурдан яратылдым.
7 #
Эюп 13.21
Онынъ ичюн дешетим сени къоркъузып оламаз,
къолум санъа агъыр кельмез.
8Айткъанларынъ аля даа къулакъларымда,
сёзлеринъни мен яхшы эшиттим:
9 #
Эюп 9.21; 10.7; 12.4; 16.17; 27.5-6; 32.1 «Мен темизим, менде акъсызлыкъ ёкъ,
саф адамым мен, къабаатым да ёкъ.
10 #
Эюп 13.24; 19.11 Алла исе манъа къаршы чыкъты,
мени душман ерине корьди.
11 #
Эюп 13.27; 14.16 Аякъларымны бир къалыпкъа къойды,
меним эр арекетимни козете».
12Мында янъыласынъ, дейим санъа.
Алла адамдан буюктир.
13 #
Эюп 9.32; 39.32 Нечюн Онен давалашмагъа истейсинъ?
О, эткенлери ичюн сенинъ огюнъде джевапкяр дегиль.
14Алла бир кере айтар.
Эгер адам анъламаса,
Алла даа бир кере анълатыр#33.14 Я да «Алла бир-эки кере айтса да, Оны анъламайлар»..
15 #
Сай 12.6; Эюп 4.13 Тюште, гедже руясында,
адамларны терен юкъу баскъанда,
олар ятакъта яткъанларында,
16 #
Эюп 36.10
о вакъыт Алла къулакъларына айтар,
огютинен оларгъа ачыкъ анълатыр,
17оларны япкъан яманлыкъларындан къайтармагъа,
адамдан кибирлигини узакълаштырмагъа,
18джаныны мезардан къорчаламагъа,
омюрини къылычтан къуртармагъа истер#33.18 Я да «онынъ омрюне озенден кечмеге ёл бермемек». Даа 36.12 бакъ..
19 #
Эюп 30.17
Я да адам озь ятагъында хасталыгъынен,
кемиклерининъ сонъсуз агърысынен джезаланыр.
20 #
Збр 101.5; 106.18 О заман омюри отьмектен,
джаны исе энъ севген ашындан ред этер.
21Эти ирип кетер, корюнмез олур,
эвель корюнмеген кемиклери тюртип чыкъар,
22ве джаны мезаргъа,
омюри олюмге якъынлашыр.
Адамларны къуртармакъ ичюн, Алла мелеклерни ёллай
23 #
Збр 33.8
Лякин бинъ мелектен
онынъ тарафыны туткъан бир мелек олса,
ве о, адамгъа догъру ёлны косьтерсе#33.23 Я да «о адамнынъ догърулыгъы акъкъында айтса».,
24 #
Збр 48.8
онъа мерамет косьтерсе ве:
«Оны мезардан къуртар,
мен онынъ ичюн одеме таптым», – десе,
25 #
4 Пад 5.14
о заман адамнынъ тени огълан тенинден тазе олур,
ве о, яшлыкъ куньлерине къайтар.
26 #
Збр 16.15
О, Аллагъа дува этер,
ве Алла ондан разы олур.
Алланынъ юзюни корип къуваныр,
ве Алла онынъ догърулыгъыны къайтарыр.
27Сонъ адамларнынъ огюнде бойле айтаджакъ:
«Гуна къазандым, догъру лаф ерине ялан айттым,
амма манъа джеза берильмеди.
28 #
Збр 15.10; Еш 38.17 О, джанымны мезардан къуртарды,
манъа ярыкъны корьмеге ёл берди».
29Буларнынъ эписини Алла адамгъа
эки-учь кере япар,
30 #
Збр 55.14
джаныны мезардан къуртармагъа,
оны омюр ярыгъынен айдынлатмагъа истер.
31Яхшы динъле, Эюп, къулакъ ас,
сен индеме, мен айтаджагъым.
32Айтаджакъ бир шейинъ олса, айт,
сени акъламагъа истейим.
33Ёкъса, энди мени динъле,
индеме де, санъа акъыл огретирим.
Currently Selected:
Эюп 33: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
