Эюп 23
23
Эюпнынъ джевабы
Эюп Алланы тапмагъа истей
1Эюп бойле джевап берди:
2– Бугунь мен эп даа шикяет эте берем,
эп даа инълеп агълайым.
3Оны къайда тападжагъымны бильгейдим,
О, булунгъан ерге якъынлашып олгъайдым!
4 #
Эюп 13.3; 16.21 Онынъ огюне ишимни айтып,
агъызымдан чыкъкъан сёзлернен акъланыр эдим.
5Манъа берген джевабыны билип,
не айтаджагъыны анълар эдим.
6О, буюк кучюнен манъа къаршы чыкъармы? Ёкъ!
Лякин О, мытлакъа мени динълер эди.
7Догъру адам давасыны Онъа ачып олур эди,
ве Къадым мени эбедиен акълар эди.
8Мына, куньдогъушкъа кетсем, Алла анда дегиль,
куньбатыгъа айлансам, Оны тапамайым.
9Шимальде бир иш япса, шуны корамайым,
дженюпке чевирсе, фаркъына барамайым.
10 #
Збр 65.10; 138.3; 1 Пётр 1.7 Амма О, мен туткъан ёлумны билир,
мени сынагъанында, алтын киби олып чыкъаджагъым.
11Аякъларым Онынъ изинден догъру кетти,
Онынъ ёлуны къавий туттым, ёлдан урулмадым.
12О, берген эмирлеринден
ве низамнамелеринден мен айырылмадым,
Онынъ сёзлерини юрегимде сакъладым.
13 #
Икм 19.21; Еш 14.26; Дан 4.32 О – бирден-бир.
Эгер О, бир шей япмагъа истесе,
ким Онъа къаршы чыкъаджакъ?
Джаны не истесе, оны япар!
14Манъа япмагъа истегенини ерине кетирир,
бунъа ошагъан чокъ иши бардыр.
15Онынъ ичюн юзю огюнде титрерим,
тюшюнгенде, Ондан къоркъарым.
16Алла юрегимни къырды,
Къудретли мени къоркъузды.
17Къаранлыкъкъа бакъмадан,
зифт къаранлыкъ тюбюнде къалгъаныма бакъмадан,
мен сесимни кесмедим.
Currently Selected:
Эюп 23: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
