Эюп 24
24
Фукъарелернинъ агъыр яшайышы
1Нечюн Къудретлиге джеза вакъты белли олса да,
Алланы таныгъанлар исе Онынъ суд куньлери кельгенини корьмейлер?
2 #
Текр 19.14; Икм 22.28; 23.10 Яман адамлар меджа ташларыны чекелер,
башкъаларнынъ къой-эчкилерини тутып алалар,
озьлерининъ киби бакъалар.
3Етимлерден эшегини алып кетелер,
тул къадыннынъ бугъасыны залоггъа алалар.
4 #
Икм 28.28; Ам 2.7 Фукъарелерни ёлдан итейлер,
ве мемлекетнинъ хорлангъанлары бир ерде сакъланалар.
5Фукъарелер сахрадаки кийик эшеклерге ошап,
ишлерине чыкъалар, ашайджакъ ашыны къыдыралар,
сувсуз ерлер оларгъа ве балаларына аш бере.
6Олар тарладаки отны оралар,
яман адам багъчасында юзюм джыйгъан сонъ,
анда къалгъаныны къыдыралар.
7 #
Чыкъ 22.26-27
Геджени чыр-чыплакъ, урбасыз кечирелер,
сувукъта орьтюсиз къалалар.
8Дагълардаки ягъмурдан сыланалар,
сакъланмагъа ер олмагъаны ичюн,
къаяларгъа япышалар.
9Яман адамлар бабасыз баланы мемеден айыралар,
ёкъсулдан залог алалар.
10Олар чыр-чыплакъ, урбасыз юрелер,
демет ташыйлар, амма бир шей ашамайлар.
11Диварлар янында зейтюн эзелер,
юзюм сыкъалар,
амма сувсузлыкътан яналар.
12 #
Хав 1.2
Шеэрлерде адамлар агълай,
ольдюрильгенлернинъ джанлары ярдымгъа чагъыралар,
лякин Алла бу акъсызлыкъны джезаламай.
Яман адамлар озь акъсыз ишлерини гедже къаранлыгъында япалар
13 #
Юх 3.19-20
Араларында ярыкъ душманлары бардыр,
Алланынъ ёлуны танымаз,
Онынъ изинден юрмезлер.
14Танъ аткъанынен айдут турар,
фукъарени ве ёкъсулны ольдюрир,
гедже исе хырсызлыкъ этер.
15 #
Икм 7.9
Ороспулыкъ эткеннинъ козю де акъшам къаранлыгъыны беклер,
«Мени кимсе корьмез», – дер
ве бетини япар.
16Къаранлыкъта эвлернинъ тюбюни къазар ве чайпап алырлар,
куньдюз исе къапалы алда беклерлер.
Ярыкъ недир бильмез,
17чюнки оларгъа саба – олюм кольгесидир,
олюм кольгесининъ къоркъусынен олар таныш ола.
Аллагъа инанмагъанларнынъ такъдири
18Сувлар бойле адамларны, енгиль чёплюкни киби,
алып кетерлер.
Онынъ топракъ пайы лянетлидир,
ич бир ким онынъ юзюм багъчаларына кетмез.
19Сыджакъ ве къургъакълыкъ ириген къар сувуны юткъаны киби,
олюлер дюньясы да гунакярларны юта.
20 #
Эюп 18.17
Ананынъ къарны оларны унутыр,
къуртларгъа олар татлы аш олур
ве бир даа анъылмазлар.
Ярамазлыкъ бир терек киби къырылыр.
21Олар баласыз, бала тапмагъан апайнынъ къасеветини чекерлер,
тул къадынгъа исе яхшылыкъ этмезлер.
22Алла къудретинен кучьлюлерни чыкъарыр,
олар турар да, яшайышлары ичюн эмин олмаз.
23Алла оларгъа аманлыкъ берер,
ве олар онъа таянырлар,
лякин Онынъ козю олар туткъан ёлдадыр.
24 #
Збр 36.10
Бираз юксельсе де, энди ёкъ олурлар,
тюшерлер, эр кес киби олерлер,
башакъ башы киби кесилирлер.
25Бойле олмаса, ким мени яланда къабаатлар?
Айткъанларымнынъ бош олгъаныны ким косьтерип олур?
Currently Selected:
Эюп 24: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
