Эюп 22

Элифазнынъ учюнджи лафы

Элифаз Эюпны къабаатлай

1 # Эюп 2.11; 4.1; 15.1 Теманлы Элифаз бойле джевап берди:

2– Адам Аллагъа файда кетирип олурмы?

Акъыллы адам биле тек озюне файда кетире.

3 # Эюп 35.7 Догърулыгъынъ Къудретлиге не къуванч берип олур?

Къусурсыз омюринъ Онъа не файда кетирип олур?

4О, сени джезалай

ве сеннен дава эте

диндарлыгъынъ ичюнми, аджеба?

5Ачувынъ буюк дегильми?

Къабаатларынъ да сонъсуз дегильми?

6 # Чыкъ 22.6; Текр 24.13 Керчектен де, къардашларынъдан бош ерде залог алып,

урбаларыны алып, оларны чыр-чыплакъ къалдырдынъ.

7 # Эюп 31.17 Сувсузлыкътан янгъангъа сув ичирмединъ,

ач олгъангъа да отьмек бермединъ.

8Кучю олгъанлар топракъны запт этелер,

башыны юксек туткъанлар о топракъта яшай!

9 # Эюп 31.21; Еш 10.2; Ехез 22.7 Сен тул апайларны бош къолнен къайтардынъ,

оксюзлернинъ таянчыны йыкътынъ.

10 # Эюп 18.8 Онынъ ичюн чевре-четинъ къапкъандыр,

апансыздан башынъа къоркъунчлы беля тюшти.

11 # Юнус 2.4 Ярыкъ сен ичюн къаранлыкъкъа чевирильди,

ич бир шей корьмейсинъ.

Сен сув акъымлары тюбюнде къалдынъ.

12 # Эюп 35.5 Алла коклерден юксек дегильми?

Йылдызларгъа бакъ, не къадар юксектелер!

13 # Збр 72.11; 93.7 Сен исе: «Алла не билир? – дейсинъ.

– Зифт къаранлыкъ ичинден О, суд этип олурмы?

14Булутлар Онъа пердедир, бир шей коралмаз,

О, тек кок къуббесининъ устюнде юрер».

15Яман адамларнынъ юрген

эски ёлуны тутаджакъсынъмы, аджеба?

16 # Эюп 15.32 Олар исе вакъытлары кельмезден къырылдылар,

темеллерини сувлар басты.

17 # Эюп 21.14 Олар Аллагъа: «Бизден узакъ тур! – дедилер.

– Къудретли Алла бизге не япып олур?»

18 # Эюп 21.16 Амма оларнынъ эвлерини эйиликке толдургъан О эди.

Лякин яман адамларнынъ огюти менден узакъ олсун!

19 # Збр 51.8; 57.11 Догъру адамлар оларнынъ алыны корип къуваныр,

къабаатсызлар бойле деп кулер:

20«Душманларымыз ёкъ этильди,

олардан къалгъаныны атеш якъты».

Элифаз Эюпны яманлыкътан вазгечмеге чагъыра

21Аллагъа якъын олсанъ, раат олурсынъ,

ве яхшылыкъ санъа келир.

22 # Икм 2.6 Агъзындан чыкъкъан Къанунны къабул эт,

сёзлерини юрегинъе къой.

23 # Эюп 11.14 Къудретлиге айлансанъ, янъыдан котерилирсинъ,

тек яманлыкъны чадырынъдан узакълаштыр.

24 # Баш 10.29; 3 Пад 9.28; 1 Тар 29.4 Алтын маденини ерге,

Офир алтыныны вадийдеки ташларнынъ арасына ат.

25Къудретли Алла сенинъ алтын маденинъ,

парлакъ кумюшинъ олур.

26 # Збр 36.4; Еш 58.14 О вакъыт Къудретлиде къуванч тапарсынъ,

юзюнъни Аллагъа котерирсинъ.

27 # Збр 49.14; Джем 5.3 Онъа дува этерсинъ, О, эшитир сени,

адакъларынъны ерине кетирирсинъ.

28 # Эюп 11.17; Икм 4.18; Еш 60.3; Дан 12.3 Не ниетинъ олса, оны беджерирсинъ,

ёлларынъны ярыкъ айдынлатыр.

29Бирев йыкъылса,

сен: «Оны котер!» – деп айтарсынъ,

ве О, алчакъгонъюллилерни къуртарыр#22.29 Даа бойле терджиме этмеге мумкюн: «Адам ашаланса, сен, бу онынъ къопайлыгъы ичюн, дейсинъ, амма Алла алчакъгонъюллини къуртарыр»..

30 # Якъ 5.15 О, къабаатлы олгъанны биле къуртарыр,

эллеринънинъ темизлиги ичюн о къуртулыр.

Currently Selected:

Эюп 22: CTB

Highlight

Copy

Compare