Эюп 18

Билдаднынъ экинджи лафы

Билдад Эюпны айткъан сёзлери ичюн сёге

1 # Эюп 2.11; 8.1 Шуалы Билдад джевап берип, бойле деди:

2– Бу сёзлернинъ сонъу оладжакъмы?

Яхшы тюшюнинъиз, сонъ айтайыкъ.

3 # Збр 72.22 Нечюн бизлерни айван ерине тутасынъ?

Нечюн сенинъ козьлеринъде акъылсызмыз?

4Сен гъазабынъда джанынъны чиль-парча этесинъ!

Сенсиз ер юзю бош олурмы?

Сенинъ ичюн къаялар озь еринден кочерми?

Алла яман адамларны джезалай

5 # Эюп 21.17; Икм 13.9; 24.20 Эбет, яман адамнынъ ярыгъы сёнеджек,

атешинден къыгъылчымы къалмайджакъ.

6Чадырындаки ярыкъ къаранлыкъкъа дёнеджек,

устюндеки лампат сёнеджек.

7 # Эюп 5.13 Адымлары къуветини джояджакъ,

онынъ планлары онъа къаршы чыкъаджакъ.

8 # Збр 9.16; 139.6 Аякълары оны тузакъкъа кетиреджек,

озь аягъынен къапкъангъа басаджакъ.

9Аягъы ильмекке тюшеджек,

тузакъ оны тутаджакъ.

10Топракъкъа сакълангъан бир аркъан,

ёлунда къоюлгъан бир къапкъан оны беклейджек.

11 # Эюп 15.21; 20.25; 27.20 Къоркъулар оны эр тарафтан сараджакъ,

артындан къувалайджакъ.

12Ачлыкъ онынъ кучюни кемирип битиреджек,

беля азыр олып, янында оладжакъ.

13Терисини хасталыкъ ашайджакъ,

мучелерини олюм#18.13 Къ. еуд. сёзю-сёзюне «олюмнинъ биринджи догъгъаны» демектир. ютаджакъ.

14Чадырындан, ишанчындан къувуладжакъ,

къоркъулар падишанынъ огюне атыладжакъ.

15 # Баш 19.24; Збр 10.6; Ехез 38.22 Чадырында атеш отураджакъ,

юртунынъ устюне кукюрт сепиледжек.

16Тамырлары ашагъыдан къуруйджакъ,

пытакълары устьтен соладжакъ.

17 # Эюп 24.20; Збр 33.17; Икм 10.7 Ер юзюнде оны ич кимсе акъылгъа кетирмейджек,

ады сокъакъларда унутыладжакъ.

18Оны ярыкътан къаранлыкъкъа къувалайджакълар,

ер юзюнден оны ёкъ этеджеклер.

19 # Збр 20.11 Халкъ арасында не огълу, не де торуны къаладжакъ,

яшагъан ерлеринде ич кимсе сагъ къалмайджакъ.

20Келеджек несиллер омюри акъкъында эшитип шашаджакъ,

замандашлары къоркъу ичинде къаладжакъ#18.20 Даа бойле терджиме этмеге мумкюн: «Куньдогъуш тарафта яшагъан сойлары онынъ акъкъында эшитип, шашаджакълар, куньбаты тарафындакилер де дешетке келеджеклер»..

21 # Къад 2.10; Йрм 9.3; 2 Тес 1.8 Яманлыкъ япкъан адамларнынъ эвлерине ойле олур,

Алланы танымагъанларнынъ ерлерине бойле къысмет тюшер.

Currently Selected:

Эюп 18: CTB

Highlight

Copy

Compare