Эюп 19
19
Эюпнынъ джевабы
Эюп субетдешлерини къабаатлай
1Эюп бойле джевап берди:
2– Джанымны не вакъыткъадже къыйнайджакъсыз?
Не вакъыткъадже мени сёзлеринъизнен хорлайджакъсыз?
3Он кере мени сёгдинъиз,
утанмадан мени сыкътынъыз.
4Эгер керчектен де ёлдан урулгъан олсам,
меним гунам менде къалыр.
5Эгер исе менден устюн юксельмеге,
масхаралыгъымны акъылыма кетирмеге истесенъиз,
6билинъиз: башыма беляны Алла тюшюрди,
Озь агъынен О, чевремни сарды.
7 #
Эюп 24.12; Хав 1.2 Мен: «Беля!» – деп къычырам,
джевап берген сою ёкъ,
ярдымгъа чагъырам,
адалет ёкъ!
8 #
Эюп 3.23; Агъл 3.9 О, ёлумны къапатты, кечалмайым,
ёлларымны къаранлыкънен сарды.
9 #
Збр 88.40
Менден намымны алды,
башымдаки таджымны алып ташлады.
10Эр якътан йыкъа мени,
мен гъайып олып кетем,
умютимни, терекни киби,
тамырындан чыкъара.
11 #
Эюп 13.24; 33.10 Манъа къаршы ачувы къайнады,
О, мени душман деп корьди.
12 #
Эюп 10.17; 30.12; Агъл 3.5 Ордуларынынъ эписи манъа якъынлашты,
манъа тараф ёл алды,
чадырымнынъ чевресинде ерлешти.
13 #
Збр 30.12; 37.11; 68.9; 87.9 О, агъа-къардашларымны менден узакълаштырды,
эписи танышларым менден четлешти.
14Сой-сопум мени быракъты,
якъынларым мени унутты.
15Эвимдеки мусафирлернен къыз хызметчилери
мени ябанджы деп саялар,
мен козьлеринде ят адам олдым.
16Къулумны чагъырам, сес бермез,
мен онъа ялвармагъа меджбурым.
17 #
Эюп 2.9
Нефесимден апайым джиренир,
балаларыма да мен сасыкъ къокъусы кибидирим.
18 #
4 Пад 2.23
Уфакъ балалар биле мени адам саймайлар,
пейда олсам, олар мени мыскъыллай.
19Бутюн якъын достларым менден джиренди,
севгенлерим менден юзь чевирди.
20Кемик-тери олып къалдым,
янъгъыз тишлерим ве ченгелерим сагъ къалды.
21 #
Рут 1.13; Эюп 1.11 Эй, достларым! Аджынъыз, аджынъыз мени!
Алланынъ къолу мени урды.
22Нечюн, Алла киби, сиз де мени къувалайсынъыз?
Нечюн этиме тойып оламайсынъыз?
Къорчалайыджы Эюпны къорчалар
23 #
Еш 30.8
Ах, сёзлерим язылгъайды!
Олар китапкъа кечкейди!
24 #
Йрм 17.1
Демир къалемнен, къуршуннен
эбедиен ташкъа оюлгъайды!
25 #
Икм 23.11; Еш 43.14 Билем ки, Къорчалайыджым бар,
ве О, сонъунадже оладжакъ#19.25 Я да «О Сонъки, ернинъ устюнде О, тураджакъ»..
Устюмде тери олмагъанындан сонъ,
мени парчалагъанлардан сонъ,
26 #
Збр 16.15; 1 Юх 3.2 джаным беденимден чыкъкъанындан сонъ,
мен Алланы кореджегим#19.26 Я да «тири оларакъ мен Алланы кореджегим»..
27Мен озюм Оны кореджегим,
башкъасынынъ дегиль, меним козьлерим Оны кореджек#19.27 Даа бойле терджиме этмеге мумкюн: «Меним козьлерим Оны кореджек, О, манъа ябанджы олмайджакъ»..
Багърымда юрегим байыла!
28Сизлер айтасынъыз:
«Насыл этип де оны даа хорлайыкъ?»
Менде тапылгъан яманлыкънынъ тамыры неде?
29 #
Джем 12.14
Къылычтан къоркъунъыз,
чюнки къылыч ачувнен къабаатлыны джезалар,
ве адалет бар олгъаныны билирсинъиз!
Currently Selected:
Эюп 19: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
