Эюп 12
12
Эюпнынъ джевабы
Эюп озь достларындан токъал дегиль
1Эюп бойле джевап берди:
2– Керчектен де, тек сизни динълемеге керек!
Икмет де сизнен оледжек!
3Сизинъ къадар меним де акъылым бар,
сизден ашагъы дегилим.
Сизинъ айткъанларынъызны ким бильмез?
4 #
Эюп 16.10; 17.2; 30.1; Збр 90.14 Масхара олдым достларыма.
Мен Аллагъа ялвара эдим,
О да манъа джевап бере эди.
Догъру ве къусурсыз адам масхара олды.
5Бол-берекетте яшагъан адам
белягъа огърагъанны аджымаса,
тезден озю де сюрюнир.
6 #
Эюп 21.7
Айдутларнынъ чадырларында раатлыкъ бар,
Алланы ачувландыргъанлар къоркъу бильмез,
санки оларнынъ къолларында Алланынъ кучю бар#12.6 Даа бойле терджиме этмеге мумкюн: «оларнынъ алласы – къолларындаки кучь». Къ. еуд. «олар санки Алланы къолларында туталар» демектир..
Алла бутюн яраткъанларына акъыл берди
7Керчектен, айванлардан сора, ве олар сени огретир,
кокте учкъан къушлардан сора, олар санъа анълатыр.
8Топракъкъа айт, о сени огретир,
денъиздеки балыкълар санъа айтып берерлер.
9Эр шейни РАББИ яраткъаныны
буларнынъ эписинден ким бильмез?
10 #
Сай 16.22; Дан 5.23; Фаал 17.28 Эр яраткъанынынъ омюри,
эр бир адамнынъ джаны Онынъ къолундадыр.
11 #
Эюп 34.3
Къулакъ сёзлерни айырмазмы?
Тиль ашнынъ дадыны анъламазмы?
12 #
Эюп 32.7
Акъыл – къартларда,
анълав – узакъ омюр яшагъанларда.
Эр шей Алланынъ къолунда
13Акъыл ве кучь Аллададыр,
огют ве анълав Ондадыр.
14 #
Эюп 11.10; Джем 7.13 Онынъ йыкъкъаны янъыдан къурулмаз,
Онынъ къапаткъан адамы азат этильмез.
15Сувларны токътатса, эр шей къурур,
оларны йиберсе,
олар ер юзюнден эр шейни ёкъ этер.
16Къудрет ве енъиш Ондадыр,
эм ёлдан ургъан, эм ёлдан урулгъан адам Онынъ къолундадыр.
17 #
Эюп 9.24
О, насиатчыларны ахмакълыкъкъа урар,
къадыларны акъылсыз этер.
18 #
Дан 2.21; 5.20 Алла адамларгъа падишалыкъ этмеге кучь бере,
О да падишалардан бу кучьни ала#12.18 Къ. еуд. сёзю-сёзюне «О падишаларнынъ къушакъларыны чезер, эм де оларнынъ беллерине къушакълар багълар» демектир..
19О, руханийлерден оларнынъ акъылыны тартып алыр#12.19 Къ. еуд. мында «яланаякъ къувалай» манасыны анълаткъан метафора къулланыла.,
озь ерлеринде къатты отургъан акимиетлерни авдарыр,
20ишанчлы адамларнынъ сесини кесер,
беязны къарадан айырмагъа къабилиетини къартлардан алыр,
21 #
Збр 106.40; Еш 40.23 намлы адамларны масхара этер,
къудретли адамларны къуветсиз япар,
22 #
Дан 2.22; Джем 12.14; 1 Кор 4.5 къаранлыкънынъ теренликлерини ачар,
олюм кольгесини ярыкъкъа чыкъарыр,
23 #
Еш 9.3; 26.15 халкъларны буюк япар, оларны да ёкъ этер,
халкъларны чокълаштырыр, оларны да алып кетер,
24 #
Збр 106.40
ер юзюндеки халкъ башлыкъларынынъ акъылыны алыр,
ёлу къалмагъан бош ерлерде юрсетир.
25 #
Текр 28.29; Эюп 5.14; Збр 106.27 Олар къаранлыкъта, ярыкъ олмагъан ерде къармаланыр,
О, оларны, сархошлар киби, шалтыр-шултыр юрсетир.
Currently Selected:
Эюп 12: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
