Эюп 13
13
Эюп Алланен дава эте
1Мына, козьлерим эр шейни корьди,
къулагъым эшитти ве анълады.
2Сизинъ бильгенлеринъизни мен де билем,
сизден бетер олмам.
3 #
Эюп 23.4
Амма мен Къудретлинен лаф этмек,
давамны Алланен чезмек истер эдим.
4Сизлер исе ялан къурасынъыз,
эпинъиз – файдасыз экимлерсиз.
5 #
Икм 17.28
Ах, эгер сизлер тынч олып отургъайдынъыз,
бу сизге акъыллы шей олур эди.
6Айтаджакъларымны динъленъиз,
итиразларыма къулакъ асынъыз.
7Алланынъ Адындан яман сёзлерни айтмагъа,
Онынъ Адындан ялан сёйлемеге яхшы олурмы?
8Онъа ярдым этеджексинъизми?
Алланынъ ишини къорчалайджакъсынъызмы?
9 #
Гал 6.7
О, сизни сынагъанда, сынавдан кечип олурсызмы?
Адамны мыскъыллагъаны киби, Оны мыскъылларсынъызмы?
10Аллагъа гизлиден ярдым этсенъиз,
О, сизлерни мытлакъа къатты джезалар.
11Онынъ буюклиги сизлерни къоркъутмазмы?
Онынъ къоркъусы башынъызгъа тюшмезми?
12Акъылыма кетиргенлеринъиз – эски куль тюбюне къалгъан масаллардыр.
Чамурдан япылгъан темель устюнде турасынъыз.
13Индеменъиз, мен лаф этейим,
башыма не кельсе, кельсин.
14Башымны неден телюкеге къояйым?
Омрюмни неден озь къолума алайым?#13.14 Даа бойле терджиме этмеге мумкюн: «Башымны телюкеге къояджагъым, не олса – олсун».
15Бакъ, О, мени ольдюрсе биле, Онъа ишанырым,
япкъанларымны Онынъ огюнде къорчаларым.
16Бу манъа къуртулыш кетирир,
чюнки алласыз адам Онъа якъынлашмаз.
17Сёзлеримни яхшы динъленъиз,
айтаджакъларыма къулакъ асынъыз.
18Мен давамны азырладым,
къабаатсыз чыкъаджагъыма эминим.
19 #
Еш 50.8
Ким меннен давалашаджакъ?
Къабаатлы олсам, энди индемейджегим
ве ольмеге азыр оладжагъым.
Эюп Аллагъа мураджаат эте
20Тек шу эки шейни этме манъа,
о заман Сенден сакъламайджагъым:
21 #
Эюп 33.7; Збр 38.11 джезалагъан къолунъ устюмден чекильсин,
Сенинъ къоркъуларынъ отюмни патлатмасын.
22 #
Эюп 14.15
Сонъ мени чагъыр, ве мен джевап берерим,
я да мен айтайым, Сен джевап бер.
23Къабаатларым ве гуналарым не къадар?
Акъсызлыкъларымны ве гуналарымны манъа косьтер.
24 #
Эюп 19.11; 33.10 Не ичюн юзюнъни гизлейсинъ,
мени Озюнъе душман саясынъ?
25 #
Збр 82.14
Узюльген япракъны къоркъутаджакъсынъмы?
Къуру тобан чёпюни къувалайджакъсынъмы?
26 #
Збр 24.7
Лякин манъа къаршы аджджы шейлер язасынъ,
яшлыгъымда япкъан гуналарымда мени къабаатлайсынъ.
27 #
Эюп 33.11
Аякъларымны бир къалыпкъа къойдынъ,
табанларыма тамгъа урып,
меним эр бир арекетимни козетесинъ.
28 #
Еш 50.9; Якъ 5.2 Беденим исе чюрюк шейге ошап дагъыла,
сюме ашагъан урба киби ипрана.
Currently Selected:
Эюп 13: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
