Эюп 11
11
Цофарнынъ биринджи лафы
Алла Эюпны къазангъанына коре джезаламай
1 #
Эюп 2.11
Наамалы Цофар бойле джевап берди:
2– О къадар сёз джевапсыз къалсынмы?
Чокъ лаф эткен адам акълы сайылсынмы?
3Бош лафларынъа къаршы
адамлар индемесинлерми?
Сен мыскъыллайджакъсынъ да,
кимсе сени утандырмасынмы?
4 #
Эюп 10.7
Сен: «Тюшюнгенлерим догъру,
ве мен Сенинъ огюнъде темизим», – дейсинъ.
5Амма эгер Алла лаф этсе,
санъа джевап берип, агъзыны ачса
6ве икметнинъ сырларыны санъа айтса
(акъыл-идракъ эки тарафламадыр),
биль ки, Алла гуналарынънынъ базыларыны унутты биле.
Алланынъ акъылыны анъламакъ чареси ёкъ
7Алланынъ терен тюшюнджелерини анълап олурсынъмы?
Къудретлини бутюнлей огренип олурсынъмы?
8 #
Збр 138.8
Икмети коклерден юксектир – не япып олурсынъ?
О, олюлер дюньясындан терендир – не билип олурсынъ?
9Ольчюлери ер юзюнден узун,
денъизден кеништир.
10 #
Эюп 9.12; 12.14 Эгер О, келип, биревни тутып къапатса
ве суд топлашувыны чагъырса,
Онъа къаршы ким чыкъып олур?
11О, бош адамларны биле.
Яманлыкъны корьсе, оны унутмаз.
12Кийик эшек адам олгъан сонъ,
къабакъбаш акъыллы олур#11.12 Метиннинъ манасыны даа бойле анъламагъа мумкюн: «Къабакъбаш адам акъыллы олур, ве кийик эшек адамгъа чевирилир»..
Эюп тёвбе этсе, Алла оны мукяфатлар
13 #
Збр 142.6
Эгер сен юрегинъни темизлесенъ,
ярдым сорап, къолларынъны Аллагъа узатсанъ,
14 #
Эюп 22.23
япкъан гуналарынъны озюнъден узакълаштырсанъ,
акъсызлыкъкъа чадырларынъда булунмагъа ёл бермесенъ,
15утанмайып башынъны котерирсинъ,
сагълам ве къоркъусыз ола билирсинъ.
16О заман беляларынъны унутырсынъ,
оларны акъкъан сувлар киби анъарсынъ.
17 #
Эюп 22.28; Икм 4.18; Еш 60.3; Дан 12.3 Омрюнъ уйле кунешинден айдын олур,
къаранлыкъ сабагъа чевирилир.
18Умют тапарсынъ ве ишанырсынъ,
этрафынъ сакълы олып, раат юкъларсынъ.
19 #
Икм 3.24
Ятарсынъ, ве ич кимсе сени къоркъузмаз.
Чокъ адам сенинъ мераметинъни къыдырыр.
20Яман адамларнынъ козьлери исе сёнеджек,
олар сакъланмагъа ер тапмайджакъ,
умютлери де гъайып оладжакъ#11.20 Даа бойле терджиме этмеге мумкюн: «ишангъан шейлери оларгъа къаршы дертли азап олып чевириледжек»..
Currently Selected:
Эюп 11: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
