Эюп 10
10
Эюп Алланы адалетсизликте къабаатлай
1 #
Эюп 7.16; 9.21 Омрюмден бездим.
Шикяетимни ачыкъ айтаджагъым,
джанымнынъ аджджылыгъынен айтаджагъым.
2 #
Эюп 9.3
Аллагъа: «Мени къабаатлама.
Айт манъа, не ичюн меннен давалашасынъ?» – дейджегим.
3Озюнъ яраткъан шейлеринъни хорлагъанынъ ве ред эткенинъ,
ярамазларнынъ ниетлеринен разы олгъанынъ
Сен ичюн яхшымы?
4 #
1 Пад 16.7
Сенде адам козю бармы?
Адам корьген киби коресинъми?
5Куньлеринъ адамнынъ куньлери кибими?
Йылларынъ да инсаннынъ кибими?
6Не ичюн менде къабаат къыдырасынъ?
Неге гуналарымны тапмагъа истейсинъ?
7 #
Текр 32.39; Эюп 2.3; Еш 43.13 Ярамаз адам олмагъанымны билесинъ,
ве Сенинъ къолунъдан мени кимсе къуртармайджакъ.
8 #
Збр 118.71
Къолларынъ манъа бичим берип, мени бутюнлей яратты,
шимди исе мени ёкъ этесинъ.
9 #
Эюп 4.19; 33.6; Еш 64.8 Унутма, Сен мени чамурдан яптынъ!
Энди исе тоз-топракъкъа чевиреджексинъми?
10 #
Збр 138.13
Мени сют киби тёктинъ,
пенир киби къаттырдынъ.
11Манъа эт ве тери кийдирдинъ,
мени кемиклернен ве джылынларнен пекиттинъ.
12Манъа омюр бердинъ, мени севдинъ,
джаныма Озюнъ мукъайт олдынъ.
13Амма юрегинъде бир шейлер гизлединъ,
акъылынъда ойле ниет бар эди:
14гуна япкъанымны Сен беклеп тура эдинъ,
къабаатымны джезаламагъа истединъ.
15Яманлыкъ япкъан олсам, башыма беля!
Инсафлы олсам биле, башымны котералмам.
Масхаралыкъкъа ве дертлерге тойдым.
16Аякъкъа турсам,
арслан киби, манъа атыласынъ,
Озь аджайип къуветинъни кене манъа косьтересинъ.
17 #
Эюп 19.12
Манъа къаршы янъы шаатларынъны чыкъарасынъ
ве гъазабынъны арттырасынъ.
Сыра-сыра беляларны башыма тюшюресинъ.
Эюп Аллагъа оны унутмагъа ялвара
18 #
Эюп 3.11-12; Йрм 20.14-18 Нечюн манъа догъмагъа ёл бердинъ?
Мени ич кимсенинъ козю корьмеден, ольгейдим!
19Ич бар олмагъан олур эдим,
къарындан мезаргъа къоюлыр эдим.
20 #
Эюп 7.16; 14.1 Омюрим къыскъа дегильми?
Вазгеч, ташла мени.
Аз олса да, къуванмагъа чаре бер манъа.
21 #
Збр 38.14; 87.7, 13 Къайтмагъа ёлу олмагъан ерге кетмезден эвель,
къаранлыкъ ве олюм кольгеси ерине,
22зульмет мемлекетине,
зифт къаранлыкъкъа, олюм кольгесине,
тек къалабалыкъ олгъан ерге,
ярыкъ зульмет киби олгъан ерге кетмезден эвель,
озь алыма къалдыр мени.
Currently Selected:
Эюп 10: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
