1 Юхан 5

Иман дюньяны енъер

1 # Юх 1.12 Исанынъ Месих олгъанына инангъан эр бир адам Алладан догъулгъандыр. Бабаны севген эр бир адам Онынъ Баласыны да севе. 2#1 Юх 2.5; 3.24; 4.13Биз Алланы севип, Онынъ эмирлерини беджерсек, Алланынъ балаларыны севгенимизни билемиз. 3#Мт 11.30; Юх 14.15; 2 Юх 1.6Алланы севмек – Онынъ эмирлерини беджермектир. Онынъ эмирлери исе агъыр дегиль, 4#Юх 16.33; Эф 6.16чюнки Ондан догъулгъан эр ким дюньяны енъе. Дюньяны енъген гъалебе – иманымыздыр. 5#Мт 14.33; 1 Юх 4.15Дюньяны ким енъип ола? Иса – Алланынъ Огълу, деп инангъан адамдыр!

Иса Месих акъкъында шаатлыкъ

6 # Юх 14.17; 15.26 Сув ве къанны кечип кельген – Иса Месихтир. О, тек сувны дегиль, сув ве къанны кечип кельди. Онъа Рух шаатлыкъ япа, ве Рух – акъикъаттыр. 7Шунынънен, учю шаатлыкъ япа: 8Рух, сув ве къан. Олар учю бирлик.#5.8 Орта асырлардаки базы эльязмаларда 7-нджи ве 8-инджи ает бойледир: «Шунынънен, учю кокте шаатлыкъ япа: Баба, Сёз ве Мукъаддес Рух. Ве бу учю бирдир. Ерде де учю шаатлыкъ япа: Рух, сув ве къан. Олар учю бирлик». 9#Юх 5.36Биз адамларнынъ шаатлыкъларыны къабул этсек, Алланынъ шаатлыгъы олардан устюндир. Чюнки бу – Алланынъ шаатлыгъыдыр, Озь Огълу акъкъында берген шаатлыкътыр. 10#Мт 3.17; 1 Юх 1.10Ким Алланынъ Огълуна инанса, онынъ юрегинде Алланынъ шаатлыгъы бар. Аллагъа инанмагъан исе Алланы яланджы этип косьтере, чюнки Онынъ Озь Огълу акъкъында берген шаатлыгъына инанмай. 11#Юх 1.4; 5.26; 11.25; 1 Юх 1.2Шаатлыкъ исе будыр: Алла бизге эбедий омюр берди, ве бу омюр – Онынъ Огълундадыр. 12Кимде Онынъ Огълу олса, онда омюр бар. Кимде Алланынъ Огълу олмаса, онда омюр ёкъ.

Эбедий омюр

13 # Юх 20.31 Мен буны сизге, Алла Огълунынъ Адына инангъанларгъа яздым. Онынъ ичюн билинъиз: сиз эбедий омюрге саип олдынъыз. 14#Мт 7.7-8; Юх 14.13-14; 1 Юх 3.22Биз де Онынъ огюнде о къадар джесюр оламыз ки, Онынъ ирадесине коре бир шей истеп сорасакъ, О, бизни эшите. 15Эгер Алла истеклеримизни эшиткенини бильсек, истеклеримизни О беджереджегини де билемиз.

16 # Мт 12.31-32; Мк 3.29; Еуд 6.4-6; 10.26 Эгер бир адам озь агъа-къардашынынъ олюм кетирмейджек гуна япкъаныны корьсе, онынъ ичюн дува окъусын. Алла олюм кетирмейджек гуна япкъан адамгъа омюр багъышлар. Лякин олюм кетиреджек гуна да бар. Онынъ акъкъында дува окъунъыз демейим. 17Эр бир яманлыкъ – гунадыр, амма олюм кетирмейджек гуна бар.

18 # Збр 118.3; 1 Юх 3.9 Алладан догъулгъан эр бир адам гуна ичинде яшамагъаныны билемиз. Оны Алладан Догъулгъан къорчалай; яман онъа тиймей. 19#Лк 4.6; Гал 1.4Биз Алладан олгъанымызны билемиз, бутюн дюнья исе яманнынъ укюминдедир. 20#Юх 1.1; 20.28Даа шуны билемиз: Алланынъ Огълу кельди ве, биз Акъикъий Олгъанны таныйыкъ деп, бизге акъыл берди. Биз акъикъий Аллада, Онынъ Огълу Иса Месихте булунамыз. Бу – акъикъий Алла ве эбедий омюрдир.

21 # 1 Кор 10.7, 14 Балалар, путлардан сакъынынъыз.

Currently Selected:

1 Юхан 5: CTB

Highlight

Copy

Compare