2 Юхан 1
1
Селямлашув
1 #
Юх 8.32; 1 Юх 3.1 Акъсакъал –
Сайлангъан ханымгъа ве онынъ балаларына (мен оларны акъикъатта севем, эм ялынъыз мен дегиль де, акъикъатны бильгенлернинъ эписи оларны севелер, 2чюнки акъикъат ичимизде яшай ве эбедиен бизнен оладжакъ):
3 #
1 Тим 1.2; 2 Тим 1.2 Алла Баба ве Бабанынъ Огълу олгъан Иса Месих бизге хайыр ве мераметни, акъикъат ве севгинен аманлыкъны берсин.
Акъикъат ве севги
4 #
3 Юх 1.4
Сенинъ балаларынъдан базыларыны, Баба бизге буюргъаны киби, акъикъат ёлундан юргенлерини корьгенимде, пек къувандым.
5 #
Лев 19.18; Юх 13.34; 15.12; 1 Юх 3.11 Энди санъа риджа этем, ханым, бири-биримизни севейик. Мен санъа янъы бир эмир язмайым, бизде башындан олгъан эмирни язам. 6#Юх 14.15; 1 Юх 5.3Севмек – Онынъ эмирлерини беджерип яшамакътыр. Сиз башындан эшиткенинъиз киби, бу эмир – севгиде арекет этмектир.
7 #
Юх 1.14; 1 Юх 2.18; 4.2-3; 1 Тим 3.16; Еуд 2.14 Дюньяда чокъ алдатыджылар пейда олдылар. Олар инсан беденинде кельген Иса Месихни танымайлар. Булар – алдатыджы ве Месихнинъ душманларыдыр. 8#1 Кор 3.8Япкъан ишинъизнинъ берекетини джоймамакъ ве мукяфатны бутюнлей алмакъ ичюн, озюнъизге мукъайт олунъыз. 9#1 Юх 2.23Озь артындан алып баргъан ве Месихнинъ огретювинден узакълашкъан эр бир адамда Алла ёкъ. Бу огретювге коре яшагъан адамда исе эм Баба, эм Огъул бардыр. 10#Рим 16.17; 1 Тес 5.22Эгер бир адам алдынъызгъа келип, бу огретювни кетирмесе, оны эвинъизге кирсетменъиз, онъа селям да берменъиз. 11Онъа селям берген адам исе онынъ яман ишлерине къошула.
Селямлар
12 #
Юх 15.11; 16.24; 17.13; 3 Юх 1.13-14 Сизге язаджакъ чокъ шейим бар эди, амма буны кягъытта мерекепнен язмагъа истемейим. Амма, бизим къуванчымыз толу олсун деп, мен алдынъызгъа бармагъа ве козьме-козь сизлернен лаф этмеге умют этем.
13Сайлангъан къызкъардашынънынъ балалары санъа селям ёллайлар.
Currently Selected:
2 Юхан 1: CTB
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, 2016
