1 Юхан 4

Акъикъат Руху ве ялан руху

1 # Текр 13.1-3; Йрм 14.14; 23.16; 29.8; Мт 7.15; Мк 13.22; 2 Пётр 2.1; 1 Кор 14.29; 1 Тес 5.20-21; Сыр 2.2 Севгили достларым, эр бир рухкъа инанманъыз. Лякин, Алладан олгъаны я да олмагъаныны бильмек ичюн, рухларны сынавдан кечиринъиз. Дюньяда чокъ яланджы пейгъамберлер пейда олды. 2#Юх 1.14; 1 Кор 12.3; 1 Тим 3.16; Еуд 2.14Алланынъ Рухуны бойле танырсыз: адамнынъ беденинде кельген Иса Месихни къабул эткен эр бир рух Алладандыр. 3#1 Юх 2.18, 22; 2 Юх 1.7Исаны къабул этмеген эр бир рух Алладан дегиль. Бу – Месих душманынынъ рухудыр. Онынъ келеджегини сиз эшиткен эдинъиз. Мына, о энди дюньядадыр. 4Балалар, сиз Алладансыз ве оларны енъдинъиз. Ичинъизде олгъан дюньяда олгъандан буюктир. 5#Юх 3.31; 8.23; 15.19Олар бу дюньядандыр, шунынъ ичюн олар бу дюньянынъ тилинде лаф этелер, ве дюнья оларны динълей. 6#Юх 14.17; 18.37; 1 Тим 4.1Биз исе Алладанмыз. Ким Алланы таныса, о, бизни динълей. Алладан олмагъан исе бизни динълемей. Бойлеликнен, биз акъикъат Рухуны ве ялан рухуны таныймыз.

Алла – севгидир

7 # 1 Кор 13.1-13; 1 Юх 3.10-11 Севгили достларым, бир-биримизни севейик, чюнки севги Алладандыр. Эр бир севген адам Алладан догъулгъан ве Алланы биле. 8Севмеген адам Алланы бильмеген, чюнки Алланынъ Озю – севгидир. 9#Юх 3.16Алланынъ бизге олгъан севгиси бунда ачыкъ косьтерильди: Алла бирден-бир Огълуны дюньягъа ёллады, бизге Онынъ ярдымынен яшамагъа ёл ачты. 10#Юх 1.29; 3.16; Рим 5.8; 1 Юх 4.10Мына бу севгидир: биз Алланы севдик дегиль, лякин бизни О севди ве Озь Огълуны гуналарымыз ичюн одев оларакъ ёллады.

11Севгили достларым, Алла бизни бу къадар чокъ севсе, биз де бири-биримизни севмеге борджлумыз. 12#Чыкъ 33.20; Юх 1.18; 1 Юх 2.5; 1 Тим 6.16Ич кимсе ич бир вакъыт Алланы корьмеген. Эгер бири-биримизни севсек, Алла бизим ичимизде булуныр ве Онынъ севгиси бизде тер-темиз олур.

13 # 1 Юх 3.24 Биз Онда булунамыз, ве О ичимизде булуна. Буны билемиз, чюнки О бизге Озь Рухуны берди. 14#Юх 3.17Баба Озь Огълуны дюньянынъ Къуртарыджысы оларакъ ёллады. Биз буны корьдик ве бунъа шаатлыкъ беремиз. 15#Мт 14.33; 1 Юх 5.5Иса Алланынъ Огълу олгъаныны къабул эткен адамда Алла булуна, о да Аллада булуна. 16Алланынъ бизге олгъан севгисини бильдик ве бунъа инандыкъ. Алла – севгидир. Севгиде булунгъан адам Аллада булуна, ве онда Алла булуна. 17#1 Юх 2.28; 3.21Бойлеликнен, севги бизде тер-темизлик тапа, шунынъ ичюн биз къыямет куню джесюр олурмыз, чюнки биз бу дюньяда, О яшагъаны киби, яшаймыз. 18Севгиде къоркъу ёкъ, аксине, тер-темиз севги къоркъуны къувып чыкъара, къоркъу исе джезанен багълыдыр. Къоркъакъ адамда севги тер-темиз олмады.

19Биз севемиз, чюнки эвельден О, бизни севди. 20#1 Юх 2.9; 3.10«Алланы севем», – деген, лякин озь агъа-къардашыны кореджек козю олмагъан адам – яланджыдыр. О, корьген озь агъа-къардашыны севмесе, корьмеген Алланы насыл севмек мумкюн? 21#Лев 19.18; Мт 19.19; 22.39; Мк 12.31Биз Ондан бойле эмирни алдыкъ: «Ким Алланы севсе, озь агъа-къардашыны да севмеге борджлудыр».

Currently Selected:

1 Юхан 4: CTB

Highlight

Copy

Compare