1 Юхан 3

1 # Мт 5.9; Юх 1.12; 3.16; 16.3; 17.25; 1 Юх 5.1; Рим 5.8; 8.14; Эф 2.4 Бакъынъыз, биз «Алланынъ балалары» адландырылайыкъ деп, Баба бизге не къадар буюк севги косьтерди! Керчектен де, биз Онынъ балаларымыз! Лякин дюнья бизни танымай, чюнки о, Бабаны танымагъан. 2#Эюп 19.26; Збр 16.15; Рим 8.15-16, 29; 1 Кор 13.12; 2 Кор 3.18; Гал 3.26; Эф 1.5; Флп 3.21; Сыр 22.4Севгили достларым, шимди биз Алланынъ балаларымыз! Лякин келеджекте не оладжагъымыз шимди даа белли дегиль. Биз тек шуны билемиз ки, О, пейда олгъанда, биз Онъа ошайджакъмыз, чюнки Оны, О олгъаны киби, кореджекмиз. 3#2 Кор 7.1О, насыл элял олса, Онъа бойле умют багълагъан эр бир адам да эляллана.

4Гуна япкъан эр бир адам Къанунны боза. Гуна – къанунсызлыкъ демектир. 5#Юх 1.29; 1 Пётр 2.22; 2 Кор 5.21; Еуд 4.15; 9.26Сиз билесиз ки, Иса бизим гуналарымызны бойнуна алып кетмек ичюн пейда олды ве Онда ич бир гуна ёкъ. 6#3 Юх 1.11Онда булунгъан эр бир адам гуна ичинде яшамай. Гуна ичинде яшагъан эр бир адам исе Оны корьмеген ве Оны бильмеген.

7 # Мк 13.5; 1 Юх 2.26; Кол 2.8; 2 Тес 2.3 Балалар, кимсе сизни ёлдан урмасын! О насыл адалетли олса, догъру япкъан адам да о къадар адалетлидир. 8#Юх 8.44; Еуд 2.14Гуна ичинде яшагъан адам – Шейтандандыр. Шейтан башындан берли гуна япып тура. Алланынъ Огълу исе Шейтаннынъ ишлерини ёкъ этмек ичюн пейда олды. 9#Збр 118.3; 1 Юх 5.18Алладан догъулгъан эр ким гуна ичинде яшамай, чюнки онынъ ичинде Алланынъ урлугъы къала. О, гуна ичинде яшап оламай, чюнки о, Алладан догъулгъан. 10#1 Юх 4.8, 20Алланынъ балалары да, Шейтаннынъ балалары да бундан билине: догъру япмагъан эр ким, эм де озь агъа-къардашыны севмеген эр ким Алладан дегиль.

Бири-биринъизни севинъиз

11 # Лев 19.18; Юх 13.34; 1 Юх 1.5; 2.24; 2 Юх 1.5 Башындан сиз эшиткен хабер бойледир: бири-биримизни севейик! 12#Баш 4.3-8; Юх 8.44; Иуда 1.11; Еуд 11.4Хаинге ошамайыкъ. О, ямандан эди ве озь къардашыны ольдюрди. Къардашыны не ичюн ольдюрди? Чюнки онынъ ишлери яман, къардашынынъ ишлери исе догъру эди.

13 # Мк 13.13; Юх 7.7; 15.18 Агъа-къардашларым, эгер дюньянынъ сизни кореджек козю олмаса, шашманъыз. 14#Юх 5.24Биз олюмден яшайышкъа кечкенимизни билемиз, чюнки биз агъа-къардашларымызны севемиз. Озь агъа-къардашларыны севмеген адам исе олюмде къалыр. 15#Мт 5.22; Сыр 21.8Озь агъа-къардашыны кореджек козю олмагъан эр бир адам – башкъасыны ольдюрген адамдыр. Башкъасыны ольдюрген ич бир адамда исе эбедий омюр булунмагъаныны билесинъиз.

16 # Юх 10.11; 15.13 Иса бизлер ичюн озь джаныны берди, бундан биз севгини бильдик. Биз де агъа-къардашларымыз ичюн джанымызны бермеге борджлумыз. 17#Текр 15.7; Икм 21.13; Якъ 2.15-16Эгер бир адамда бу дюньянынъ зенгинликлери олса, ве о, озь агъа-къардашыны ёкъсуллыкъта олгъаныны корип, юрегини таш киби япса, бу адамда Алланынъ севгиси насыл этип ер аладжакъ? 18#Якъ 1.22; Рим 2.13Балалар, севгимизни сёзлернен я да тильнен дегиль, акъикъат ве ишлеримизнен косьтерейик.

Алланынъ огюнде юрегимиз раат

19Бойлеликнен, биз акъикъат ичинде олгъанымызны биледжекмиз, ве Онынъ алдында виджданымыз раат оладжакъ. 20Эгер виджданымыз бизни къабаатласа, виджданымыздан Алла устюндир; О, эр шейни биле.

21 # 1 Юх 2.28 Севгили достларым, эгер виджданымыз бизни къабаатламаса, Алланынъ алдында джесюр олурмыз, 22#Мт 7.7-8; Юх 14.13-14ве Ондан нени сорасакъ, Ондан алырмыз, чюнки биз Онынъ эмирлерини беджерип, Оны мемнюн эткен ишлерни япамыз. 23#Юх 6.29Онынъ эмири исе – Онынъ Огълу Иса Месихнинъ Адына инанмакъ ве, О бизге буюргъаны киби, бири-биримизни севмектир. 24#Юх 6.56; 15.4-5; Рим 8.9, 16Онынъ эмирлерини беджерген адам Аллада булуна, Алла да онда булуна. О, бизге Рухны бергени ичюн, О, ичимизде яшагъаныны билемиз.

Currently Selected:

1 Юхан 3: CTB

Highlight

Copy

Compare