1 Юхан 2

Месих – бизим Къорчалайыджымыз

1 # Юх 14.26; Рим 8.34; Еуд 7.25 Балаларым, бу шейлерни, сиз гуна япманъыз деп, язам. Амма бириси гуна япкъан олса, Бабанынъ алдында Къорчалайыджымыз бар – адалетли Иса Месихтир. 2#Юх 1.29; 11.52; 1 Юх 4.10; Рим 3.25-26О, бизим гуналарымыз ичюн одев олды. О, тек бизим гуналарымыз ичюн дегиль, бутюн дюньянынъ гуналары ичюн одев олды. 3#Юх 14.15; 15.10; 1 Юх 5.3Биз билемиз: эгер биз Онынъ эмирлерини беджерсек, биз Оны акъикъатен билемиз. 4#Тит 1.16«Мен Оны билем», – деген, лякин Онынъ эмирлерини беджермеген адам яланджыдыр, ве онда акъикъат ёкъ. 5#1 Юх 4.12Ким исе Онынъ сёзюни тутса ве беджерсе, о адамда акъикъатен де Алланынъ севгиси тер-темиз олды. Бундан биз Онда булунгъанымызны билемиз. 6Ким Алланен булунам десе, Иса киби, арекет этмек керек.

Севги акъкъында

7 # Лев 19.18; Юх 13.34; 2 Юх 1.5 Севгили достларым, сизге янъы бир эмир дегиль, лякин эски эмирни, сизде башындан олгъан эмирни язаятам. Эски эмир – сиз чокътан эшиткен хабердир. 8#Юх 1.9; 8.12; 13.34; Рим 13.12; Эф 5.8; 1 Тес 5.5Шунынънен берабер, сизге янъы эмирни язаятам. О, эм Онда, эм де сизде акъикъийдир. Чюнки къаранлыкъ кечеята, акъикъий ярыкъ энди парылдай.

9 # 1 Юх 4.20 Ким ярыкъта олгъаныны айтып, озь агъа-къардашыны кореджек козю олмаса, о але даа къаранлыкътадыр. 10#Юх 11.10Ким озь агъа-къардашыны севсе, ярыкъ ичинде яшай ве онда гунагъа ич бир себеп олмаз. 11Амма озь агъа-къардашыны кореджек козю олмагъан адам къаранлыкътадыр. О, къаранлыкъта юре ве къайда кеткенини бильмей, чюнки къаранлыкъ онынъ козьлерини кёр этти.

12 # Фаал 10.43; 13.38 Балалар, сизге язам: Онынъ Адынен гуналарынъыз багъышлангъан.

13 # Юх 14.7; Эф 6.11 Бабалар, сизге язам: сиз башындан Бар олгъан Алланы бильдинъиз.

Йигитлер, сизге язам: сиз яманны#2.13 Яман – Шейтан. Юхан бу сёзни бу аетте ве 2.14, 3.12, 5.18, 5.19 къуллана. енъдинъиз.

Балачыкълар, сизге язам: сиз Бабаны бильдинъиз.

14Бабалар, сизге яздым: сиз башындан Бар олгъан Алланы бильдинъиз.

Йигитлер, сизге яздым: сиз къуветлисинъиз; сизинъ ичинъизде Алланынъ Сёзю булуна, ве сиз яманны енъдинъиз.

15 # Якъ 4.4 Дюньяны ве дюньядаки шейлерни севменъиз. Ким дюньяны севсе, онынъ ичинде Бабанынъ севгиси булунмай. 16Дюньядаки эр шей: беден истеклери, козьлер истеклери, зенгинликнен макътанув, – Бабадан дегиль, лякин дюньядандыр. 17#1 Кор 7.31Дюнья да, дюньянынъ истеклери де кечип кетеята. Лякин Алланынъ истегенини беджерген адам эбедиен яшай.

Месихнинъ душманы акъкъында

18 # Мт 24.5; 1 Юх 4.3; 2 Юх 1.7; 1 Тим 4.1; 2 Тим 3.1 Балачыкълар, вакъытнынъ сонъки саати кельди! Сиз Месихнинъ душманы келеяткъаныны эшиткенинъизге коре, шимди Месихнинъ чокъ душманлары пейда олды. Бундан биз сонъки саат кельгенини билемиз. 19#Текр 13.13; Фаал 20.30; 1 Кор 11.19Олар озюмизнинъ арамыздан чыкътылар, лякин олар бизден дегиллер. Эгер олар бизден олгъан олса, бизнен къалыр эдилер. Оларнынъ бизден айырылып кеткени олар эписи бизден олмагъаныны косьтере.

20 # Юх 14.26; 16.13; 1 Кор 2.10 Мукъаддес Олгъан сизни ягънен сюртти#2.20 Сизни ягънен сюртти – «сизге Мукъаддес Рухны берди» демектир., шунынъ ичюн сиз эр шейни билесиз. 21Мен: «Сиз акъикъатны бильмейсиз», – деп язмадым. Аксине: «Сиз акъикъатны билесиз, ве акъикъатта ич бир ялан ёкътыр», – деп яздым. 22#1 Юх 4.3Яланджы кимдир? «Иса – Месих дегиль», – айткъан адам яланджыдыр. Бойле адам Месихнинъ душманы олып, Бабаны ве Онынъ Огълуны инкяр эте. 23#Мт 10.33Ким Огъулны инкяр этсе, онда Баба да ёкъ. Ким Огъулны къабул этсе, онда Баба да бар.

24 # 1 Юх 3.11 Сиз башындан эшиткен шейлер сизинъ ичинъизде къалсын. Эгер башындан эшиткен шейлер сизинъ ичинъизде къалса, сиз эм Огъулда, эм Бабада булунаджакъсынъыз. 25Онынъ бизге берген сёзю будыр – эбедий омюрдир.

26 # Мк 13.5; 1 Юх 3.7; Кол 2.8; 2 Тес 2.3 Буларны сизни ёлдан ургъанлар акъкъында яздым.

Алланынъ балалары

27 # Йрм 31.34; Еуд 8.11 Сиз ягънен сюртюлип, бу ягълав сизнен къалыр. Энди сизге ич кимсенинъ огреткени кереги ёкъ. Бу ягълав озю сизге эр шейни огретир. О, акъикъийдир, онда ялан ёкъ. О, сизни огреткени киби, Месихте къалынъыз.

28 # 1 Юх 3.2; 1 Тес 2.19 Шимди, балалар, Онда къалынъыз, ве О, пейда олгъанда, джесюр олайыкъ, О, къайтып келеджек вакъытта утанып чекильмейик.

29 # Мт 6.1; 3 Юх 1.11 Эгер Онынъ адалетли олгъаныны бильсенъиз, буны да билинъиз: догъру иш япкъан эр бир адам Онынъ догъгъан баласыдыр.

Currently Selected:

1 Юхан 2: CTB

Highlight

Copy

Compare