1 Юхан 1

Аят Сёзю

1 # Лк 24.39; Юх 1.14; 20.27; 2 Пётр 1.16 Башындан шимдигедже булунгъан шейни, биз эшиткен ве озь козьлеримизнен корьгенимизни, сейир эткен ве къолларымызнен тийгенимизни, Аят Сёзюни бильдиремиз. 2#Юх 1.1, 4, 18; 5.26; 11.25; 15.27; 1 Юх 5.11Бу Аят косьтерильген эди, ве биз оны корьдик. Бунъа шаатлыкъ этемиз, сизге бу эбедий омюрни беян этемиз. О, Бабасынен эди, эм бизге косьтерильген эди. 3#Юх 17.21; 1 Кор 1.9Бизим сизнен араларымыз якъын олсун деп, биз эшиткен ве корьген шейлеримизни сизлерге беян этемиз. Биз исе Бабанен ве Онынъ Огълу Иса Месихнен якъын мунасебетлерде булунамыз. 4#Юх 15.11Биз къуванчкъа бус-бутюн толайыкъ деп, буларны язамыз.

Алла – ярыкътыр

5 # Юх 1.4; 8.12; Якъ 1.17 Биз Ондан эшиткен ве энди сизге бильдирген хаберимиз бойледир: Алла – ярыкъ, ве Онда ич бир къаранлыкъ ёкъ. 6#Юх 12.35; 2 Кор 6.16Эгер биз: «Бизим Онен араларымыз якъын», – десек, лякин къаранлыкъта юрсек, биз ялан айтамыз ве догъру шей япмаймыз. 7#Еш 2.5; 60.1; Эф 1.7; Еуд 9.14Амма О, Озю ярыкъта олгъаны киби, биз де ярыкъта юрсек, бизим араларымыз якъын олур ве Онынъ Огълу Исанынъ къаны бизни эр бир гунадан темизлер. 8#3 Пад 8.46; 2 Тар 6.36; Икм 20.9; Джем 7.20; Якъ 3.2; Рим 3.23Эгер: «Гунамыз ёкъ», – десек, озь-озюмизни алдатамыз ве ичимизде акъикъат булунмай. 9#Збр 31.5; 50.4; Икм 28.13Эгер исе: «Гуналарымыз бар», – десек, О, ишанчлы ве адалетли олып, бизим гуналарымызны багъышлар ве бизни эр тюрлю яман ишлеримизден темизлер. 10#Юх 5.38; 8.37; 1 Юх 5.10Эгер: «Биз гуна япмадыкъ», – десек, Оны яланджы этип косьтеремиз ве Онынъ Сёзю ичимизде булунмай.

Currently Selected:

1 Юхан 1: CTB

Highlight

Copy

Compare