ROMIYA 9
9
Chungthieng Akha Chu Mamee Ngei
1Keina adiek rou rilla aminge. Khrista mee inge keina hungthei trong nonge. Kahal kalungkom muihla athieng na huppa shi ae chuna keina hungthei trong ang no ae. 2Kei hi leima aolla aminge hana kalung sunga ana kom atreem am no ae. 3Kamee ngei sharukka katak akha chu kathee na mani taranga katak mak tri Chungthieng sarkou thuija akha chu Khrista kolhai thou wa ahran hlak phao hallinge. 4Maniha Chungthieng mee ngei ae hana amona manita masanao ngei changpi ah mahung majai ha ri pi ae amona mani taranga roungir pi ah rouphun ha pe pi. mani ha ae adiek ka mok ngei ha hana manina Chungthieng na saro eipi ah jaihra pha ae 5Mani pi pu ngei hi alok ashai Hebru ngei ae hana malmashi changa jung Jisu Khrista kom mani mee ae. Ehailimpa ta ene nepa Chungthieng ta atreem nei no wa dom shu oh! Amen.
6Chungthieng na saro eisha ha ngai ni jo weta keina rilla nonge. Israel mee makhai ha Chungthieng mee chak no ae. 7Hana Abraham atu ate makhai kom Chungthieng sanao chak ngei no ae. “Chungthieng na Abrtaham ta rille, “Isaac hana jarra natu nate am mange ta nakolla keina saro eiha” 8Nahina rilna chu mahousha ah don unga ngei ha Chungthieng sanao no ae ti na ae. Chuti weta Chungthieng na saro ei ah hla don atu ate ngei chakkae. 9Chungthieng saro ei rou ha na hi ae, “Apha acha hana keina lah ange, hana Sarah na nao apa akha don nange.”
10Hina ripta ko ano weh, maramchu Rebikka hina sanao ani hakom mapa akha chakkae, ani pi pu Isaac. 11Chutiweta, spa akha hana Chungthieng mahal makha tungpi ange, Chungthieng na Sarah ta rillea, “Ulien pa na nao pong pa thui dong ange.” Mani don matienga amo na nahi rillea akha chu manina ahra hrano akha phao ae matienga, chuna Chungthieng na kokhi mani na ae na eko ano weh Chungthieng mathei ah makok sha ae. 12Mani tullu hana no ae makoksha ae hana makolla ril, “Ulien changna naopong tekta san nanga sa ae.’’ 13Hina jieksha nujuija, “Keina Jacob ta lungshi inge, chuti weta keina Esau ta chu atir inge.”
14Chutilea chu ani na Chungthieng hi adiek nagm ae no ae ta rilei ti mo? ano ae. 15Rouram chu amona Moses ta ril lea, “Keina atujong kolla ringrei ka ngei mee kolla ringrei ngei ange akha chu kalungshit mee amota keina lung shi ange. 16Chuna na limpa hi malmashi ngeina mani hal madit no ae Chungthieng na ringrei ngei sha ae. 17Egypt Rengpa Pharaoh ta jieksha rou na rillea, “Keina nangta arengpu kachangpi chu kajaitha lim ha nakolla phu ranga kahalsha ae. Chuna kaming hi simlei lim na thangshu oh ti na sa ae.” 18Chuna Chungthieng na mahalsha ngeita ringrei ngei ae, hana alung hir ngei kom ma hir pi ae.
Chungthieng Lungshat Akha Chu Ringrei.
19Nangei karra atumo tieng akha na keita rillange “Ejongpa nahi mak aleh chu alota Chungthieng na atu jong akha kolla maral tuk nea ang meh? Atu na Chungthieng ahal ta hou nea ang meh?” 20Chuti weta anina Chungthieng ta nang nang atu cha meh? Katonpi oh Chungthieng trongta sang lea ha? Leisiella shak bell na asha pa tah ephao saine no ae, keita alowa hihekta sa ah cha meh tah? 21Chuna bell sa ah am pa na madit hana nujuija amona hata sa ae chuna tapot sakna leisiel akha chakka bell ani sha ae akhana alok taranga akhana anei ngai taranga.
22Hahekti ae Chungthieng na lu tullu hi, amona marat ha dang ranga ri pi di ae. Chuti weta amona malungshaveta amang atah sukkanglim dongthei ah dong ah ae. 23Akha chu makolla ehekta atam mahung majai ha kom ripi num meh. Maringrei pha pi ang ngei meengei no wa ani chunga amona hajong mahung majai ha pha ang thourang som shu so weh. 24Anikom amona makok mee ae, Jihudi ngei kar sunga chak ano ae chuti weta Gental ngei kar sung hai thou ko sha ae? 25Hina sarukka ae Hoseah abai sunga maril ha:
“Na kamee no ngei hi
keina ‘Kamee ae ta kokkange.’
Kalung shit jati lao ngeita
keina ‘Kalungshit ae ta kokkange.’
26Hana mani ril na amunt mak hana,
‘Nangei ha kamee no ae’
hana manita aring Chungthieng sanao ngeita kokkange.” 27Chuna Isaiah na Israel ngeita rouril, “Israel sanao nangeina tuipi hou wa waipin ja hal kom mani ahre na chak sanpi pha ange.” 28Chuna arengpu amona simlei hina marou hi, ranga treem pi ange. 29Isaiah na amatienga ril chu hekta, “ejonga mitpu arengpu na matu mate houphur no lea ani hi Sodom Gomarah hek ti ange”
Israel Ngei Tarang Pol Niekna
30Chuna Gental ngeita ani ril chu manithei chakka Chungthieng am na athieng pha num no ngei hi ngoiring jarra amo hitta adiek kha so weh. 31Chungthieng mee ngei, rouphun akha na Chungthieng hitta adiek pi ange ta jongha tukpha no ae. 32Ah ang no ae, rouram chu mani na ngoiring chu ephao am no ae ejonga mani tullu hana hal hlakka am lea chu mani ha kae mathui na allunga, kae mathui ange. 33Hita jiek sha so ae:
“Anno, keina Zion na allung doi phur inge
nahana mee ngei na kae mathui ange,
sumlung akha itta manita tu pi ange.
Hativeta amota ngoiring ngei na chu
ephao ajak tukkang no ae.”
Currently Selected:
ROMIYA 9: CHOTBSI
Highlight
Copy
Compare
Share
Want to have your highlights saved across all your devices? Sign up or sign in
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.
