ROMIYA 10
10
1Ka-u-kanao ngei oh, alota keina kathin kalung lutta kamee ngei lim pa na sanpi pha ranga. Chungthieng kolla keina nie ah aminge! 2Keina hra bakta dang inge ha chu maniha Chungthieng ta lung lutta mokkae. Chuti weta mani mokha adiek tieng no ae. 3Chungthieng na mee ngei hi amo hitta adiek changpi meh ti hi mani na dang no ae hana hutta manina mani lamma tieng thinga Chungthieng adiek ha jui num no ae. 4Rouram chu Khrista na rouphun ha chu atreem na so ae, ngoiring lim na adiek chang ange.
Aring Kaeto Hi Meelim Tarange
5Moses na jiekka houphur rouphun jui mee ta Chungthieng hitta adiek pi ange: “Atujong akha na rouphun hana trongsan pek jui mee na ring ange.” 6Jieksha rou na, ngoiring jarra Chungthieng hitta diek ae ti hi, hisha ae: “Nathei chakka sai no oh atuna wanram ma kallang meh?” (Hachu Khrista ta rui tum ma ae). 7Ano lea atuna simlei athui ah tum mang meh? (Naha chu athi sa Khrista ta rui kalla ae.) 8Nahina rila shi chu hi ae: “Chungthieng rouha nakolla nai ah am meh murra akha chu nalung sunga” kani na rouril ngoiring rou ha na hi ae. 9Ejonga nangna namur shukka Jisu hi Arengpu ae akha chu Chungthieng na amota athi haithou ringpi ae ngoiring lea chu nangta sanpi ange. 10Chuna ani Chungthieng hitta diekka anina am mang chu ngoiring hana ae hana mur shukka lalsange ril hana ae anita sanpi pha rang. 11Jieksha rou hana rilleh, “Atujong akha na amota ngoiring lea chu ephao wa ningshi pha no ae. 12Nahi na mee lim pa tol sa ae rouram chu Jihudi akha chu gental ta tai na ephao am no ae; Ani arengpu Chungthieng akha chakkae. Atujong amota kok mee na machunga atreem nei no jaihra pe ange.” 13Jieksha rou na hita rilleh “Atujongpa limna arengpu ta san ranga kok lea chu amo ha sanpi pha ange.”
14Chuti weta alota manina amota sanpi rang kokkang sha ejonga manina ngoiring no lea? akha chu alotah mani na thei pha ang sha rouril mee am no wa? Trongshan ha sui no lea alota mani na theipha ang meh. 15Akha chu alotah rou ron hi ril shukkang meh ejonga rou ron mee hla pi no chu? Jieksha rou na rilhekta, “Eja ah tripi ah hra sha ahra trongsan rou ron phao ngeiha!” 16Chuti weta lim pa na ahra trongsan ha langno ae Isaiah matak mak na ril phurre, “Arengpu atuna kani rouril hi ngoiring meh? 17Chuna ngoiring hi rouril theiphaveta pha ae, hana rouha Khrista maram ma sui weta shukkae.
18Chuna keina sai inge: Adiek takka manina rouril hi thei no wa meh? Jieksha rouna rilleh routakka chu:
“Mani sanrol hana atarah ha simlei lim ma thange;
hana mani rou ha alei ram lim ma tung pha ae”
19Woiha pa keina sai inge: Israel mee ngeina nahi dang no wa meh? Moses masha makna masha tekka sange:
“Keina nangeita mee jati
adangna anda rang sem mange;
akha chu jaty adangei ta lungmo piveta
kamee ngeita lungsha thana shukpi ange.”
20Isaiah na atri am no lutta ril,
“Keita jongno mee kom keina tuk kae;
hana keita sai no ngei ta keina katak mak manita ri pi inge.”
21Chuti weta Israel ngei taranga amo na rillea, “Rungnie chang honna keina mani aril juino akha chu anda am manita kakut dokka manita hakka aminge.”
Currently Selected:
ROMIYA 10: CHOTBSI
Highlight
Copy
Compare
Share
Want to have your highlights saved across all your devices? Sign up or sign in
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.
