1 SAMUEL 2
2
Hannani surimani
1 #
Luk 1.46-55. Hanna suriui hai hwnwi sa kha,
“Subraiyungno tẃi ani bwkha tongthogo;
ani phan Subraiyungo tongthogo.
Ani kena arirokni bwskango ang tongthogwi rwchap kha,
tamni hwn ba ang nini mwthangma-o se tongthogo.”
2Subraiyung hai khoroksa phano kwthar kwrwi,
bo hai khoroksa phano kwrwi,
chini Kaitor hai kati rwui mannai khoroksabo kwrwi.
3Kung chugui tei kók ta sa si di,
tei khúk hamya ta per si di,
tamni hwn ba Subraiyung wng kha khá sinai Kaitor
tei bebak bororokni samungno buj thumo.
4Phan gwnang sengkrakrokni badukhungrok báiwi
tháng kha, phiya ba phan kwrwi khe phan man kha.
5Bebak chámung kupulung tongmani
tabuk chánani ma rutuk kha, phiya ba ok khuinairok tei ok khui li ya bwsa kwrwi bwrwi khoroksni bwsa man kha.
Tamo khe bwsa kwbángma bumani bwsa
khoroksa phano kwrwi kha.
6Subraiyung se butharo tei mwthang phiro;
bo bororokno kwthwi ha-o rohoro tei tisa phiro,
7Subraiyung se bigrabo khlai-o, gwnangbo khlai-o.
Bo hache’-obo kari-o,
tei kuchugobo tisa-o.
8Bo kwrwirokno hani khocha-o,
chúk yarokno bórokni tektoni tisa-o,
bo habugrani bwslasongni bayap snamo tei bórom gwnang achukthai-o achuk rw-o,
hani thongla khe Subraiyung se,
tei bórokni saka-o se hayung snamo.
9Bo bini kók khnanairokno mwrwgo;
tamo khe borok hamya mwnakma-o ma kwmanai;
borok sakni phan bai kwplai wngwi man glak.
10“Subraiyungni kena arirok phindrik phandrak khe sokomorjaknai;
bo chuknohani borokno phirang bai koknai.
Subraiyung bebak hayungno buj thumnai,
bo bini habugrano phan rwnai,
bini chongjak bugrano kwplai khlainai.”
11Hakhe Elkana Rama-o bini nogo kiphilwi tháng kha; tamo khe chwrai Samuel khe Silo’-ono tong rwk kha; tei ochai Elini bising tẃi khe Subraiyungno mon kha.
Elini bwslasong
12Elini bwslasong borok cha ya gwja, bórok Subraiyungni kók kisa phano khna lai ya. 13Ochairok bai bororokni bisingo raida tongmani wng kha, khoroksa swk yapharmung yaphar khe, ochaini seleng muihanno rugwi tong phuru pwraktham gwnang tharuk tubu-ui phainai. 14Hakhe karai-o, tosla bisingo eba twk bisingo abo tharuk bai khókchaui manmani bebak muihan ochaini wngo. Abo hai khe Israilrok Silo-o yapharna phainairok khlaijak bai-o. 15Abono karwi teibo bupham naui hóro sók ya sini ochaini seleng phaiwi yapharnaino hai hwnwi sa phainai, “Ochaini banta sóngnani ano kisa muihanno rw di, bo nini aroni rukjak muihanno yachak glak, kwthwngno se yachago.”
16Bórok bono hai hwnwi sa kha, “Chwng buphamno hóro sók grana, hakhe nini muchung tẃi na di,” bo, “I’nhi! Ano tabuk se rw di, nwng rw ya khe ang phan khe segwi se nanai!” Hwnwi sa anw.
17Elini bwsla khoroknwini sumsok Subraiyungni bwskango belai kotorma wng kha, tamni hwn ba bórok abo hai khe Subraiyungni thani yapharmano chokoi-phokoi khlai kha.
Silo-o Samuel
18A jora chwrai Samuel ephod kamchwlwi chumwi Subraiyungno monwi tongo. 19Bisi brúm brúm bini buma bini banta kamchwlwi snamwi bwsai bai khoroknwi bisini yapharmung yapharna tháng khe abono tlango. 20Hakhe Eli Elkana bai bini bihikno hamari rwui hai hwnwi sa-o, “Bo sanmani hai Subraiyung nono o bwrwini bising tẃi teibo bwsa rw si thung.”
Hakhe bórok nogo kiphil lai-o.
21Subraiyung Hannano sói’-no hamari rw kha, hakhe bo teibo khoroktham chwla bwsa tei khoroknwi bwrwi bwsa man phi kha. Tei chwrai Samuel Subraiyungni bwskango tor kha-lok kha.
Eli bai bini bwslasong
22Tabuk Eli belai khe chakra wng kha tei Israilrokni thani bini bwslasong khlaimano tei bórok kuthum laiwi rínok duglamo samung tangnai bwrwirok bai suda thu lai chá lai wngmani kóknobo khnaui tongo. 23Hakhe bo#2.23: bo: Kaisa kók séma-o khe bo; Hibru-o khe nwng. bórokno hai hwnwi sa kha, “Tamni norok abo hai samung tang lai? Ang bororokni khugo norok samung hamya tongmano khna-o. 24Abo hai ta khlai di sajlarok, Subraiyungni bororok abo hai sa lai tongmani cha li ya. 25Borok khoroksa tei borok khoroksani thani sumsok khlai khe Kaitor bono chubaui mano; tamo khe borok khoroksa Subraiyungni thani sumsok khlai khe sabo chubaui mannai?”
Tamo khe bórok buphani kók se khna lai li ya, aboni bagwi Subraiyung bórokno butharna bwkha chong kha.
26 #
Luk 2.52. Tabuk chwrai Samuel tor kha-lok kha, Subraiyung tei bororok bai bo chajak kha.
Elini núkhungni bagwi kók diyari sajakmani
27Khoroksa diyari Kaitorni aroni Elini thani phaiwi hai hwnwi sa phai kha, “Subraiyung hai hwnwi sa-o, ‘Ang nini chuchusong ha Ijibo Pharaoni thani seleng wngwi tong bai phuru ang sak baithang nukjak kha. 28#Lam 28.1-4; Leb 7.35-36.Bebak Israil bosongni bisingo ang bini núkhungno ani ochai wngnani, háyá-o samung tangnani, satrai sóknani tei ephod#2.28: Ephod: Kókthái bwtango nai di. chumnani bagwi saiwi na kha tei ang nwphani núkhungno Israilrok yaphar páijak manwino banta rw kha. 29Hakhe tamo wngwi ang bororokni thani sanmano nwng aswk khámai lang? Tei Eli nwng tamni ani slái nwslasongno bórom khlaiwi ani bororok yapharmani kaham kukrokno narwgwi bórokni sak phung rw lang?’ 30Abo bai’-no Subraiyung Israilni Kaitor hai hwnwi sa-o, ‘Nini núkhung, nini bosong se mol brúmni bagwi ani ochai wngnai,’ hwnwi swmai tangmani, phiya ba tabuk ang Subraiyung sakhlai-o; ‘Ang bai hakchalo tong thung! tamni hwn ba ano bórom khlainaino se angbo bórom khlai-o, ano sak nang yarokno angbo sak nang glak. 31Khna di, jora phaiwi tong kha, ang nini núkhung tei bosongni bebak siklarokno butharwi páinai, hakhe nini núkhungo khoroksa phano chakra borok se tong glak. 32Hakhe nwng tekto manẃi tei kubun Israilrokno hamari rwmano khámaiwi ma tongnai tei nini núkhungo khoroksa phano chakra khe ma tong glak. 33Ang ani háyá-o samung tangnai khoroksa nini borokno buthar ya khe narwk anw, bo muktwi ma klainai tei bwkha ma khamnai tei nini núkhungni tong rwkma bororok seng bai butharjak bainai. 34#1Sa 4.11.Nini nwsla khoroknwi Hopni bai Phinehasni saka-o wngmani abono nini bagwi mari wngnai, bórok salsa’-ono khoroknwnwi thwi bainai. 35Tei ang khoroksa sói kók khnanai ochai chong anw tei bo ani muchungma tẃi samung tangnai, ang bini bosongno snamnai, bo mol brúm ani chongjak wngnai. 36Phiya nini núkhungo kwthang tong rwknai borok thwgwi’-no bini thani phaiwi rukphai belep lepsa tei auan lepsani bagwi hai hwnwi koi phai anw, “Auan lepsa chánani ano ochaini samung tang rw ja di.” ’ ”
Currently Selected:
1 SAMUEL 2: KOKBSI
Highlight
Copy
Compare
Share
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
