EPHESIA 5
5
Avarna mun na om na
1Nangni Pathian in anadei a naingai nan ni jarra ama anga ni ru. 2Pathian madonna Jisu Khrista ning thairim hui anga a taksa hi nangni ranga alui kan pek anga nang nin nom lungsiat tak a kan pekru.
3Nan karra a salui chuan tho minu en, mi en lal kan ti ngaihi mak taru athiang karra mi thiang ha chang taru. 4Hale chong ngal a pang chong jek chiam chong asalui ite khat ri lai maru, hiva rahut a Pathian ha man pakru. 5Nang nin nan jet mi risiat chuan salui tho mi en lal, kut asin Pathian chubei bukngai ranga Pathian rengram ma an mu rang tum om mak.
6Ani lui chong han nangni tu khat ning om man kan huang maru, chong jui lui mingai chunga Pathian lung thakna a om. 7Hiva jarra nangni anmani le kan ang maru. 8Ajarko phat khat a nangni a jing na inna nan lui om tak-ha a tun ko Pathian a varna hin nan om jui. 9Avar ning imanra ngaiha ko adik, asat, chuan sat, ngaiha ani. 10Puma lungdo ha imo ani tiha tokru. 11A man buia ajing chuan ngaiha tho maru, hava ngaiha ko ajinga a om miranga ani; hiva rahut a salui ama ha kando rase. 12Hivahi jek a jak rang a om ruk a an tho chuan ani. 13A satlui rakip ha avarna an hong do karra anmani an omchan le an nun chan ha a hong kando. 14Hingahin chong thianga alui om, ajalla a omngai thuitaru, thina tenna thuitaru hale Khrista ama ning avar ha na pek nati.
15Kan ning theiru, apangngai anga om maru, tak-ha aching mi anga omru. 16Aphat hi asat a neiman theiru ajarko a phat hi seitan phat ani jui. 17Apanga om lai maru, pathian in imo a na man tho jot ha tokru.
18Hale ju inna rui maru nangni mang na rang ke, tak-ha Thavang Thiang ha nan sunga mansipru. 19Khat le khat jiang la hui le rol hui tak a Pathian chong thianga la ngaiha kan tho peru hale Pathian ha nan lung sunga man pakru. 20Phat rakip a irakip a Pa Pathian ha man pakru Jisu Khrista minga.
Lomnu le Lompa
21Nangni khat le khat chitlejak a Khrista jiang man kan ritru.
22Numeingain nan pasalngai ha chitlejak neiru, Pathian jiang chitlejak nan nei anga. 23Ajarko numeingai luko nan pasalngai ha anni, Khrista ning biakrupngai lu ha ani. Biakrup hi ama taksa ani, hale biakrupngai a neipu ko Khrista ha ani. 24Khrista thuaija biakrup a om ang hin numeingai ning om irakip a nan pasalngai thuaija om ru.
25Pasalngai ning nan numeingai ha lungsiatru Jisu Khrista ning om biakrup ha a lungsiat a atak pumpui alui kan pek. 26Biakrup hi puma Pathian jiang pek lut na ranga tuija an rasuk suale Pathian ama chongsat han a rasuk jui. 27Puma Pathian a tak tak om na a jot na ranga apo, a kiak, akui, ite om luia athianga asiak jui. 28Pasalngai ning an numeingai ha an tak an kan lungsiat anga lungsiat rase u. 29Tu khat ning om an tak mang na ranga a salui tho ma u, hale an taksa asat na ranga manrit le lungsiat tak a an tho anga Khrista ning om biakrup ha a lungsiat. 30Ajarko keini hi ama a taksa biakrup mi kan ni. 31Pathian chong thiang han a ti pasal ning a nu le a pa mak nata a numei le om rase hale anmani anni tak khat chang rase u. 32Hivahi Pathian chong dik Khrista tenna biakrup jiang kari ani. 33Hivahi nang nin nom mirakip ning om an numeingai ha chitlejak a lungsiat rase u.
Currently Selected:
EPHESIA 5: AIMOLBSI
Highlight
Copy
Compare
Share
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
