EPHESIA 6
6
Naipangngai le nu le pangai
1Naipangai Pathian jiang nan nu nan pa ning an nari ha juiru, hivahi adik tak ani. 2Nang nin ravansat muna rang le ramuol la ringkhuo sot nan om thei na ranga nan nu nan pa ha chitlejak neiru, hivahi a rapa tak chena dan le puma chong pek ani. 3Hi aninko nang ni ningsat a ramuol hin asot om nanti.
4Hale pangai ning om nan naingai lung tokna tho pe maru han puma jet thei nale ching thei na ranga man churu.
5Suakngai ning om ramuol la nan neipungai ha chitlejak ha neiru hale Pathian jiang om, hingahin ni ru. 6Ramuol mit en rang le mi lung khop na rang jak ni luija Khrista chuan sin kan ni tia nan lung lut a Khrista lungdo ha thoru. 7Miringngai chuan nan tho chang mak, Pathian lungdo chuan sat ha thoru. 8Nang nin jetru chuan sat atho mingai chunga Pathian ning chuan sat a pek rang ke, kan chong pa ani nom suakpa aninom.
9Suak neipu nang ni ning om nan suakngain anga thoru man ritru, vanram ma a om puma ama ko a renga a neipu ani, ama jiang mi chang mi kha om mak.
Khristianngai ral tho na chem le pho
10Puma jiang nang nin adet a om ru. 11Puma jiang a om ral tho na chem le pho ngaiha lek taru siatna a salui madonna nan ngir torna rang. 12Keini ning kan tho ral hi thisen le taksa ral chang mak, Seitan ning ramuol la alian a rangai jiang ani lui chuan lam aman tho, hiva Thavang salui ning ramuol aman jing ngai chunga ral kan tho ani. 13Nang nin hava nikhuo a hong tung karra a satlui ning ana tor mak na ranga ral chem le puan si ngaiha tho taru.
14Hiva jarra nan tak sunga chuan dik le chunsat ngaiha thun nang, 15nan ke ning Pathian chongsat le lunghip na ha choinang kan ning taru. 16Phat rakip a Pathian tak nan ngai na ha nan kut a nan khit aninko a satlui meithal ning natok noning. 17Kum sot ringna chong ha nan lu hup man changru, Pathian Thavang Thiang lam nan chemsei man changru. 18Phat rakip a lam na neiru Thavang Thiang ning a torna khan na khang thei nale kan ning thei na na pek rase, mi thiang ngai rang om lam deru. 19Han kei rang om Pathian lam na na nei peru, Pathian chongsat ranak nei a ka ri torna ranga. 20Kei Pathian chong ri ranga ama rahut a natir ani, hiva jarra kein ren inn na thir rui le ka om. Lam na na nei peru kein Pathian chong ha ranak neia la ri tor kati.
A torna Chong pek
21Atunko nang nin nom keihi ija mo ka om tiha Taichikas Pathian chuan tho ama ning a renga nari pe rang ani. 22Hiva jarra ama hi nang ni jiang ka hong tir ani, hale ama ning keini ruia nari pe na ta nan lung sunga thanuam na na pek nati. 23Puma Pathian le Jisu Khrista tenna lunghip na han ka u ka naingai chunga lunghip le takngai na om rase. 24Pathian ami lungsiat thei nale Jisu Khrista a lungsiat ha nan chunga om rase.
Currently Selected:
EPHESIA 6: AIMOLBSI
Highlight
Copy
Compare
Share
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
