MATHAIA 19
19
Rimâkna thu inriseina
(Mk.10:1-12)
1Jisuan kha thu khah â sîr zoiin chu Galili ram ata a suak a, Jordan râla Judai ramah khan a fe tâk a. 2Mipui itam takkan an zui a, kha munah khan anmani ân dam a.
3Farisai ṭhenkahei a ziangah an hong a, amah in-ôk itumin, “Îsik khomin mîn a nupui ai mâk hih arthiang im?” itin an ridon a.
4Jisuan an ziangah, “A tîr ata Siamtu khan nupang neh ipa a siam a, Pathian Thubûn ai ti khah nin itep ngai ino mani? #Riph.1:27; 5:2. 5Khabanah, Pathianin, ‘Hi sikah hin ipan a nu neh a pa mâng a ta, a nupui neh inrual an ti; khanchu, an ruaikan takpum khatkah hong ni tâng an ti,’ ai ti a nit.#Riph.2:24; 5:2. 6Khasikin, mi inikah ni khâi mak a, takpum khatkah an init tâk a nit. Pathianin a irzom tâk chu miriamin an ṭhen rang ni tlak mak e,” itin a sâm a.
7Farisaihei khan a ziangah, “Khate, ithôm Mosian ipan rimâkna lekha riziakin a nupui a pêkin chu rimâk ai phal ngai?” an ti a.#Dn nik.24:1-4; Mat.5:31.
8Jisuan an ziangah, “Mosian nin nupuihei imah rangin nangni a phalna chu nin lungril khir sika a nit. Khannisela, a tîrah khan chu khangkan ni mak e. 9Keiman chu nangni kî ti a nit, tukhom a nupui iamomnona sik ni loia a nupui ima a, nupui dang inei nôk chu a înrê a nit,” a ti a.#Mat.5:32; Lk.16:18; 1 Kor.7:10,11.
10A kôilômhein a ziangah, “Sangram kârvân chungchângah khangkah khan a nitin chu rinei ino a ṭhat ual,” an ti a.
11Jisuan an ziangah, “Hi inriseina thu hih mi tin chunga mang thei ni mak a, Pathianin ai pêkhei chungah bang imang nîng a ti.#1 Kor.7:7-9. 12Ipan nupui a nei nona bi chu itam takkah a om; ṭhenkah chu nei ino rang piala suak an om a; ṭhenkah chu khangkana ranga miriamin an isiam khom an om a; ṭhenkah chu Rivân Ram sikin an inei ino a nit. Tukhom hi inriseina thu zôm thei kan chu zôm riseh” a ti a.
Jisuan naipanghei ṭhat a vur
(Mk.10:13-16; Lk.18:15-17)
13Khante, kha lâiah khan Jisuan an chungah kut ringata a ṭongṭai pêk theina rangin mi ṭhenkan naipangtehei a ziangah an hong ṭhui a; nikhomseh, kôilômhein an lei ngo a. 14Jisuan an ziangah, “Naipangtehei ki ziangah inhong unla, khap no rei, Rivân Ram chu hingkana mihei ta kêng ai nit,” a ti a.
15An chungah a kut arngat a; khanchu, khantak ata khah a fe tâk a.#Riph.2:24; Efes.5:32; 1 Kor.6:16.
Tlangvâl richongpa
(Mk.10:17-31; Lk.18:18-30)
16Voikata chu mi khatkah Jisua ziangah a hong a, “Minriseitu,#19:16 Mss ṭhenkatah chu ‘ṭha’ iti a kop. kumtluang ringna ki nei theina rangin im sin iṭha ki sin rang?” a ti a. #Lk.10:25; Lev.18:5.
17Jisuan, “Ithôm iṭha thurchi ni ne irdon? Iṭha chu mi khatkah bang kêng â om.#19:17 Mss ṭhenkatah, ‘Pathian khatkah bang ti no chu tute â ṭha omak e,’ iti a kop. Ringnaa lût ni nuamin chu thupêkhei zôm roh,” itin a sâm a.
18Ani khan, “Thupêk a îtak im?” itin ardôn a.
Jisuan a sâm a, “Mi that no roh; inrê no roh; iruh no roh; milakin mi nô no roh; #Fes.20:13-16; Dn nik.5:17-20; Rom.13:9; Jak.2:11. 19ni nu neh ni pa ngîk roh; khabanah nangmah lung ni irthlung angkan ni bungahei lungthlung roh, itihei hih,” a ti a. #Fes.20:12; Lev.19:18; Dn nik.5:16.
20Tlangvâl khan a ziangah, “Kha thupêkhei murdi kha chu ki zôm riai ngai. Im ki sintum rang la om?” a ti a.
21Jisuan a ziangah, “Ṭhat rikipa om ni nuamin chu fen la, nî nei murdi zuar inla, a sum khah inrianghei ziangah peh roh; khanchu, rivânah richon nei ni ti; khanungchu, hong inla, ne hong zui roh,” a ti a.#Lk.12:23; TS.2:45; 4:34. 22Tlangvâl khan kha ṭong khah a riatin chu ngaiinseh takkan a rot tâk a, miriam richong tak a nit a.
23Khante, Jisuan a kôilômhei ziangah, “Thu dik nangni ke ril; richonghei ta rangin Rivân Rama lût chu a întak ok rang a nit. 24Nangni ke ril nôk, richong Pathian rama lût nêkan chu iṭhim ikuara saringsei ilût ol ual a ti,” a ti a.
25Kha ṭong khah kôilômhein an riatin chu an ringai arkhêl tak tak a, “Khate, tûm inring inih thei ranga?” itin an ridon a.
26Jisuan anmani a en ngit a, an ziangah, “Amakhah miriam rangin chu ithei ni mak a, Pathian rangin chu ithei a nit,” a ti a. #Riph.18:14; Job.42:4.
27Khanchu, Peteran a ziangah, “En ta, keimanin îtinrêng imah riaiin nang kin zui a, im kin mu rang tâk?” a ti a.
28Jisuan an ziangah, “Thu dik nangni ke ril; Siamtharnaah#19:28 ‘Zoro Tharah’ iti thei a nit. khan Miriam Naipa a rêngṭhungmun roinpui takah â ṭhung tikin chu nangmani ne zuitu Sômleiinikahei khom hih rêngṭhungmunheiah iṭhung nin ta, Israel nam sômlei nam inikahei chungah roi rêl nin ti.#Mat.25:31; Lk.22:30; Mat.20:21; Thup.3:21. 29Tutu ker ming sika inhei manih, inzirpuihei manih, farhei manih, pa manih, nu manih, naihei manih, loihei manih ima kan chu a bâk rizakah #19:29 Mss ṭhenkatah chu ‘a bâk itam takkah’ iti a nit. mûng an ta, kumtluang ringna khom dong sâng an ti. 30Khanniseh, atûna nungita taka omhei khom mâsa tak la nîng an ta, mâsa taka omhei khom nungita tak la nîng an ti. #Mat.20:16; Lk.13:30.
Currently Selected:
MATHAIA 19: BIATBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More
