Tshwmsim 7

Cov Yixalayees 144,000 Leej

1Tomqab ntawd kuv pom plaub tug timtswv ceebtsheej sawv ntawm plaub cegkaum ntuj, txwv tsis pub cua ntsawj plaub cegkaum ntuj tuaj rau lub ntiajteb lossis tuaj rau dej hiavtxwv lossis tuaj rau tej xyoob ntoo. #Yelemi 49:36; Dani 7:2; Xekhali 6:5 2Thiab kuv pom dua ib tug timtswv ceebtsheej tawm tim sab hnubtuaj tuaj, nws nqa rawv Vajtswv tus uas muaj sia nyob lub homthawj. Nws txawm hu nrov-nrov rau plaub tug timtswv ceebtsheej uas Vajtswv tau muab hwjchim rau lawv kom los ua rau lub ntiajteb thiab hiavtxwv puastsuaj. 3Tus timtswv hais tias, “Txhob rawm ua rau lub ntiajteb lossis dej hiavtxwv lossis tej xyoob ntoo kom puastsuaj, txog thaum peb nias homthawj rau peb tus Vajtswv cov tubtxib lub hauvpliaj tso.” #Exek 9:4, 6

4Kuv hnov tias cov neeg uas muaj Vajtswv lub homthawj nias rau ntawm lawv hauvpliaj lawm yog muaj 144,000 leej. Lawv cov ntawd yog los ntawm kaum-ob xeem Yixalayees los. 5Xeem Yudas yog 12,000 leej, xeem Lunpees yog 12,000 leej, xeem Nkaj yog 12,000 leej, 6xeem Asaws yog 12,000 leej, xeem Nathalis yog 12,000 leej, xeem Manaxes yog 12,000 leej, 7xeem Xime-oos yog 12,000 leej, xeem Levis yog 12,000 leej, xeem Ixakhas yog 12,000 leej, 8xeem Xenpuloos yog 12,000 leej, xeem Yauxej yog 12,000 leej, thiab xeem Npeeyamees yog 12,000 leej.

Cov Neeg Uas Coob Heev

9Tomqab ntawd kuv saib, uaciav txawm muaj ib pab neeg coob-coob uas yeej tsis muaj leejtwg suav txheeb li! Lawv tuaj ntawm txhua lub tebchaws, txhua pawg neeg, txhua haivneeg, thiab txhua yam lus tuaj; sawvdaws tuaj sawv ntawm lub zwmtxwv thiab tus Menyuam Yaj hauvntej. Lawv hnav tej tsoostsho dawb uas ntev-ntev thiab lawv tuav rawv ib leeg ib re nplooj toovlaj rau ntawm tes. 10Lawv qw nrov-nrov hais tias, “Kev dim txim yog los ntawm peb tus Vajtswv, tus uas nyob saum lub zwmtxwv thiab los ntawm tus Menyuam Yaj lug!” 11Cov timtswv ceebtsheej txhua tus sawv vij lub zwmtxwv, vij cov txwjlaug, thiab plaub tug uas ciajsia. Lawv txawm nyo hau thiab txhoscaug ntua ntawm lub zwmtxwv hauvntej thiab pehawm Vajtswv. 12Lawv hais tias, “Amees! Kev qhuas, tus tshwjchim, kev txawjntse, kev uatsaug, meejmom, hwjchim, thiab lub zog yog peb tus Vajtswv li mus ibtxhiab ibtxhis! Amees!”

13Muaj ib tug txwjlaug txawm nug kuv hais tias, “Cov neeg uas hnav tej tsoostsho dawb ntev-ntev ntawd yog leejtwg thiab lawv tuaj qhovtwg tuaj?”

14Kuv teb tias, “Kuv tsis paub. Koj thiaj paub xwb.”

Nws hais rau kuv tias, “Cov neeg ntawd yog cov tau tiv dhau tej kev tsimtxom uas hnyav heev los lawm. Lawv twb ntxhua lawv tej tsoostsho uas ntev-ntev ntawd los ntawm tus Menyuam Yaj cov ntshav uas ua rau kom dawb lawm. #Dani 12:1; Math 24:21; Malak 13:19 15Vimli ntawd lawv thiaj los sawv ntawm Vajtswv lub zwmtxwv hauvntej thiab ua haujlwm rau Vajtswv tashnub tashmo hauv lub tuamtsev. Tus uas nyob saum lub zwmtxwv yuav nrog lawv nyob thiab tsomkwm lawv. 16Lawv yuav tsis tshaib tsis nqhis ib zaug ntxiv li lawm; nag yuav tsis ntub thiab tshav yuav tsis kub lawv ib zaug ntxiv li lawm, #Yaxaya 49:10 17rauqhov tus Menyuam Yaj uas nyob nruabnrab ntawm lub zwmtxwv yuav ua lawv tus tswv yug yaj thiab coj lawv mus haus tej qhovdej txhawv uas muaj txojsia, thiab Vajtswv yuav so lawv txhua teev kuamuag huv tibsi mus.” #Nnkauj 23:1; Exek 34:23; Nnkauj 23:2; Yaxaya 49:10; Yaxaya 25:8

Currently Selected:

Tshwmsim 7: MWW2022

Highlight

Copy

Compare