Popular Bible Verses from Tshwmsim 7

Share

Tomqab ntawd kuv saib, uaciav txawm muaj ib pab neeg coob-coob uas yeej tsis muaj leejtwg suav txheeb li! Lawv tuaj ntawm txhua lub tebchaws, txhua pawg neeg, txhua haivneeg, thiab txhua yam lus tuaj; sawvdaws tuaj sawv ntawm lub zwmtxwv thiab tus Menyuam Yaj hauvntej. Lawv hnav tej tsoostsho dawb uas ntev-ntev thiab lawv tuav rawv ib leeg ib re nplooj toovlaj rau ntawm tes.

Lawv qw nrov-nrov hais tias, “Kev dim txim yog los ntawm peb tus Vajtswv, tus uas nyob saum lub zwmtxwv thiab los ntawm tus Menyuam Yaj lug!”

rauqhov tus Menyuam Yaj uas nyob nruabnrab ntawm lub zwmtxwv yuav ua lawv tus tswv yug yaj thiab coj lawv mus haus tej qhovdej txhawv uas muaj txojsia, thiab Vajtswv yuav so lawv txhua teev kuamuag huv tibsi mus.”

Vimli ntawd lawv thiaj los sawv ntawm Vajtswv lub zwmtxwv hauvntej thiab ua haujlwm rau Vajtswv tashnub tashmo hauv lub tuamtsev. Tus uas nyob saum lub zwmtxwv yuav nrog lawv nyob thiab tsomkwm lawv. Lawv yuav tsis tshaib tsis nqhis ib zaug ntxiv li lawm; nag yuav tsis ntub thiab tshav yuav tsis kub lawv ib zaug ntxiv li lawm

Tus timtswv hais tias, “Txhob rawm ua rau lub ntiajteb lossis dej hiavtxwv lossis tej xyoob ntoo kom puastsuaj, txog thaum peb nias homthawj rau peb tus Vajtswv cov tubtxib lub hauvpliaj tso.” Kuv hnov tias cov neeg uas muaj Vajtswv lub homthawj nias rau ntawm lawv hauvpliaj lawm yog muaj 144,000 leej. Lawv cov ntawd yog los ntawm kaum-ob xeem Yixalayees los.