Tshwmsim 3

Cov Lus Uas Xa Mus Rau Pawg Ntseeg Xasdis

1“Sau mus rau tus timtswv uas saib pawg ntseeg hauv lub nroog Xasdis hais tias:

“Cov lus no yog los ntawm tus uas muaj Vajtswv xya tus ntsujplig thiab xya lub hnubqub. Kuv paub txog tej uas koj ua; koj yeej nto moo lug hais tias koj tseem muaj sia nyob, tiamsis qhov tseeb koj twb tuag lawm! 2Yogli ntawd, koj ciali tsim dheev los thiab txhawb feem uas tseem tshuav ntawd uantej uas nws yuav tuag tu noob mus, rauqhov Kuv pom tias tej uas koj ua los lawm tseem tsis tau zoo txaus rau ntawm Kuv tus Vajtswv lub qhovmuag. 3Yogli ntawd, koj yuavtsum ncontsoov tej uas koj twb kawm thiab hnov los lawm; ciali coj rawsli tej ntawd, thiab tso koj tej kev txhaum tseg. Yog koj tsis tsim dheev los, Kuv yuav tuaj cuag koj li ib tug tubsab tuaj, koj yuav tsis paub tias lub sijhawm twg uas Kuv yuav tuaj txog. #Math 24:43-44; Lukas 12:39-40; Tshwm 16:15 4Tiamsis muaj nej qeeleej uas nyob hauv lub nroog Xasdis tseem ceev tau nej tej tsoostsho tsis lo qias. Nej yuav hnav cev tsoostsho dawb thiab nrog Kuv taug kev uake, rauqhov nej yeej tsimnyog lawm. 5Tus uas kovyeej, nws yuav tau hnav cev tsoostsho dawb, thiab Kuv yuav tsis rho nws lub npe tawm hauv phau ntawv uas muaj txojsia, tiamsis Kuv yuav lees paub nws lub npe tabmeeg Kuv Txiv thiab Nws cov timtswv. #Khiav 32:32-33; Nnkauj 69:28; Tshwm 20:12; Math 10:32; Lukas 12:8

6“Yog nej leejtwg muaj pobntseg, ciali mloog tej lus uas Vaj Ntsujplig qhia rau cov pawg ntseeg!

Cov Lus Uas Xa Mus Rau Pawg Ntseeg Filadeefias

7“Sau mus rau tus timtswv uas saib pawg ntseeg hauv lub nroog Filadeefias hais tias:

“Cov lus no yog los ntawm tus uas dawbhuv thiab ncajncees uas tuav Daviv tus yuamsij. Yog Nws qhib lawm, yeej tsis muaj leejtwg kaw tau; yog Nws kaw lawm, yeej tsis muaj leejtwg qhib tau. #Yaxaya 22:22; Yauj 12:14 8Kuv paub txog tej uas koj ua; Kuv paub tias koj lub zog me-me tiamsis koj tseem coj rawsli Kuv tej lus qhia thiab tseem ncajncees rau Kuv. Kuv twb qhib qhovrooj lug rau ntawm koj xubntiag uas yeej tsis muaj leejtwg yuav kaw tau. 9Ciali mloog nawb! Cov neeg uas yog lub chaw teevhawm Xatas ntawd, lawv dag hais tias lawv yog cov Yudais, tiamsis lawv tsis yog; Kuv yuav yuam kom lawv los txhoscaug rau ntawm koj kotaw pe koj, kom lawv paub tias Kuv hlub koj. #Yaxaya 49:23; 60:14; Yaxaya 43:4

10“Vim koj ua rawsli tej lus uas Kuv hais kom koj yuavtsum ua siabntev, yogli ntawd, Kuv yuav tsomkwm koj thaum lub sijhawm uas tej kev txomnyem yuav muaj los thoobplaws hauv lub qabntuj no uas yog tej yuav los sim neeg ntiajteb. 11Kuv twb yuav los sai-sai no. Koj yuavtsum ceev tej uas koj twb muaj lawm kom zoo-zoo, kom thiaj tsis muaj leejtwg txeeb tau koj lub mom muajyeej. 12Tus uas kovyeej, Kuv yuav tsa nws ua tus ncej txheem Kuv tus Vajtswv lub tuamtsev, nws yuav tsis tawm ntawm qhov chaw ntawd mus ibtxhis li. Kuv yuav sau Kuv tus Vajtswv lub npe thiab sau Nws lub nroog lub npe, uas yog lub nroog Yeluxalees tshiab, rau ntawm nws lub cev. Lub nroog ntawd yog lub nroog uas los ntawm Kuv tus Vajtswv uas nyob saum ntuj ceebtsheej los; thiab Kuv yuav sau Kuv lub npe tshiab rau ntawm nws. #Tshwm 21:2; Yaxaya 62:2; 65:15

13“Yog nej leejtwg muaj pobntseg, ciali mloog tej lus uas Vaj Ntsujplig qhia rau cov pawg ntseeg!

Cov Lus Uas Xa Mus Rau Pawg Ntseeg Laudikeyas

14“Sau mus rau tus timtswv uas saib pawg ntseeg hauv lub nroog Laudikeyas hais tias: #Paj 8:22

“Cov lus no yog los ntawm tus uas muaj lub npe hu ua Amees, tus uas ncajncees thiab ua timkhawv tseeb, thiab yog lub hauvpaus chiv#3:14: lub hauvpaus chiv; lossis tus kav. ntawm txhua yam uas Vajtswv tsim. 15Kuv paub txog tej uas koj ua; Kuv paub tias koj tsis kub tsis txias. Kuv xav tias yog koj yuav kub ces txawm kub kiag, yuav txias ces txawm txias kiag! 16Tiamsis vim koj sov-sov xwb, tsis kub tsis txias, Kuv yuav muab koj nti tawm hauv Kuv lub qhovncauj mus! 17Koj hais tias, ‘Kuv npluanuj, kuv muaj txhua yam lawm, kuv tsis ntshaw ib yam dabtsi li.’ Tiamsis koj twb tsis paub tias koj quajntsuag, koj ntxim hlub, koj pluag, koj digmuag, thiab koj liabqab. 18Yogli ntawd, Kuv thov nquahu kom koj ciali tuaj yuav Kuv cov kub uas yog cov tseem kub kom koj thiajli npluanuj. Koj ciali tuaj yuav tej tsoostsho dawb coj mus hnav npog koj lub cev uas liabqab kom koj thiaj tsis txajmuag. Thiab ciali tuaj yuav tshuaj mus pleev koj lub qhovmuag kom koj thiaj pomkev.

19“Kuv yeej cem thiab qhuabntuas txhua tus uas Kuv hlub. Yogli ntawd, koj yuavtsum kubsiab thiab tso koj tej kev txhaum tseg. #Paj 3:12; Henpl 12:6 20Koj saib maj, Kuv sawv ntawm lub qhovrooj thiab khob; yog leejtwg hnov Kuv lub suab thiab qhib qhovrooj, Kuv yuav los rau hauv tus ntawd tsev thiab nrog nws noj mov uake, thiab nws yuav nrog Kuv noj mov uake. 21Tus uas kovyeej, Kuv yuav tsocai rau nws los zaum ib sab ntawm Kuv lub zwmtxwv, ib yam li Kuv tau muajyeej lawm thiab tau los zaum ib sab ntawm Kuv Txiv lub zwmtxwv.

22“Yog nej leejtwg muaj pobntseg, ciali mloog tej lus uas Vaj Ntsujplig qhia rau cov pawg ntseeg!”

Currently Selected:

Tshwmsim 3: MWW2022

Highlight

Copy

Compare