Ntawv Nkauj 98
98
Vajtswv Yog Tus Kav Lub Ntiajteb#98:0: Lus Henplais lub ntsiablus: ib zaj nkauj.
1Ciali hu ib zaj nkauj tshiab rau tus TSWV;
Nws tau ua tej txujci uas tseemceeb heev!
Nws tau kovyeej Nws cov yeebncuab los ntawm Nws lub hwjchim thiab Nws tus zog uas dawbhuv.
2Tus TSWV tau qhia Nws txoj kev muajyeej;
Nws tau qhia Nws lub hwjchim uas cawmdim rau txhua haivneeg paub.
3Nws ua rawsli tej lus uas Nws tau cogtseg rau haivneeg Yixalayees
tias Nws yuav ncajncees thiab hlub lawv.
Txhua haivneeg uas nyob txhua qhov puavleej pom peb tus Vajtswv txoj kev muajyeej.
4Tibneeg thoob ntiajteb, ciali hunkauj zoosiab rau tus TSWV;
ciali hunkauj qhuas Nws thiab qw zoosiab!
5Ciali hunkauj rau tus TSWV!
Ciali ntaus nkauj nogncas!
6Ciali tshuab xyu thiab tshuab raj kub yaj,
qw zoosiab rau tus TSWV uas yog peb tus Vajntxwv.
7Dej hiavtxwv thiab txhua yam uas nyob hauv hiavtxwv ciali qw ntshoonrooj;
lub ntiajteb thiab txhua yam uas nyob hauv lub ntiajteb ciali hunkauj!
8Tej dej, nej ciali npuajtes;
tej tojroob, nej ciali hunkauj zoosiab tabmeeg tus TSWV,
9rauqhov Nws yuav los txiavtxim rau lub ntiajteb no.
Nws yuav phua txim thiab txiavtxim ncajncees
rau txhua tus tibneeg hauv ntiajteb.
Currently Selected:
Ntawv Nkauj 98: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
