Ntawv Nkauj 97
97
Vajtswv Muaj Hwjchim Kav Tagnrho Txhua Yam
1Tus TSWV yog vajntxwv! Lub ntiajteb ciali zoosiab!
Tej koog povtxwv hauv hiavtxwv, nej ciali zoosiab!
2Muaj huab tsaus nti nyob puagncig Nws;
Nws kav tibneeg ntiajteb los ntawm txoj kev ua zoo thiab ncajncees.
3Muaj hluavtaws ua Nws ntej
thiab kub Nws cov yeebncuab uas nyob puagncig Nws.
4Nws cov xob laim ci pomkev thoob ntiajteb;
lub ntiajteb pom thiab ntshai tsheehnyo.
5Tej hauv roob yaj li ciab ntab tabmeeg tus TSWV,
tabmeeg tus TSWV uas kav tagnrho lub ntiajteb.
6Lub ntuj piav txog Nws txoj kev ncajncees,
thiab txhua haivneeg pom Nws tus tshwjchim.
7Txhua tus uas pe tej mlom, poob ntsejmuag kawg li;
txhua tus nyuag vajtswv qhau hau#97:7: txhua tus nyuag vajtswv qhau hau lossis txhua tus nyuag vajtswv, ciali qhau hau. rau tus TSWV.
8Tus TSWV, vim Koj txoj kev txiavtxim,
cov tibneeg uas nyob hauv Xi-oos muaj kev zoosiab heev,
thiab tej nroog hauv tebchaws Yudas los zoosiab kawg li.
9Tus TSWV uas muaj Hwjchim Loj Kawg Nkaus, Koj yog tus uas kav tagnrho lub ntiajteb no;
Koj yog tus uas muaj hwjchim loj dua tej nyuag vajtswv huv tibsi.
10Tus TSWV hlub cov neeg uas ntxub kev phem kev qias;#97:10: Nqe no sau hais tias Tus TSWV hlub cov neeg uas ntxub kev phem kev qias; phau lus Henplais hais tias Nej cov uas hlub tus TSWV, ciali ntxub tej kev phem kev qias.
Nws tsomkwm Nws haivneeg uas ncajncees li txojsia;
Nws tso lawv dim ntawm cov neeg siabphem txhais tes.
11Qhov kaj ci rau cov neeg ncajncees,
mas ua rau cov neeg siabzoo muaj kev zoosiab.
12Nej txhua tus uas yog neeg ncajncees ciali zoosiab,
rau txhua yam uas tus TSWV tau ua tas los!
Ncontsoov txhua yam uas tus Vajtswv dawbhuv tau ua tas los lawm,
thiab ua Nws tsaug.
Currently Selected:
Ntawv Nkauj 97: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
