Ntawv Nkauj 99
99
Vajtswv Yog Tus Vajntxwv Uas Kav Txhua Yam
1Tus TSWV yog Vajntxwv,
mas tej tibneeg tsheehnyo.
Nws nyob saum Nws lub zwmtxwv nruabnrab ntawm cov khelunpees,
mas lub ntiajteb uazog koog. #Khiav 25:22
2Tus TSWV yog tus muaj hwjchim loj nyob hauv Xi-oos;
Nws yog tus uas kav tagnrho txhua lub tebchaws huv tibsi.
3Txhua tus yuav qhuas Nws lub npe uas muaj hwjchim thiab zoo kawg nkaus.
Nws yog tus dawbhuv!
4Vajntxwv tus uas muaj hwjchim loj,#99:4: Nqe no sau hais tias Vajntxwv tus uas muaj hwjchim loj; phau lus Henplais hais tias Vajntxwv lub hwjchim loj. Koj nyiam txoj kev ncajncees,
Koj tau tsa txoj kev ncajncees nyob rau hauv Yixalayees;
Koj tau coj txoj kev ncajncees thiab kev ua ncaj los.
5Ciali qhuas tus TSWV uas yog peb tus Vajtswv;
ciali pehawm Nws ntawm Nws lub zwmtxwv!
Nws yog tus Dawbhuv!
6Mauxes thiab Aloos yog ob tug ntawm Nws cov povthawj hlob,
thiab Xamuyees yog ib tug uas thov Nws;
lawv hu txog tus TSWV, mas Nws teb lawv tej lus thov.
7Nws haislus hauv tus ncej huab tuaj rau lawv;
lawv hwm tej kevcai thiab tej lus xaaj uas Nws tau muab cob rau lawv lawm. #Khiav 33:9
8Au tus TSWV, peb tus Vajtswv, Koj teb Koj haivneeg tej lus thov;
Koj qhia rau lawv tias Koj yog tus Vajtswv uas zam lawv lub txim
tiamsis Koj yeej tseem rautxim rau lawv, vim lawv tej kev txhaum.
9Ciali qhuas tus TSWV, uas yog peb tus Vajtswv;
thiab pehawm Nws ntawm Nws lub roob dawbhuv!#99:9: lub roob dawbhuv: (saib 2:6)
Tus TSWV, uas yog peb tus Vajtswv, yog tus Dawbhuv.
Currently Selected:
Ntawv Nkauj 99: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
