Ntawv Nkauj 95
95
Zaj Nkauj Qhuas Vajtswv
1Los, peb ciali los qhuas tus TSWV!
Peb ciali hunkauj zoosiab rau Vajtswv, tus uas tsomkwm peb!
2Peb ciali los cuag Nws ntawm lub siab ua Nws tsaug
thiab hunkauj zoosiab qhuas Nws.
3Rauqhov tus TSWV yog Vajtswv tus uas muaj hwjchim loj,
yog tus Vajntxwv uas muaj hwjchim loj tshaj txhua tus nyuag vajtswv.
4Nws kav tagnrho lub qabntuj,
txij ntua hauv tej qhovtsua uas tob tshajplaws mus txog ntua saum tej hauv roob uas siab tshajplaws.
5Nws kav tagnrho tej hiavtxwv uas Nws tsim;
thiab kav thooj av uas Nws txhais tes puab.
6Los, peb ciali los nyo hau thiab pehawm Nws;
peb ciali txhoscaug ntawm tus TSWV, tus uas tsim peb, lub xubntiag!
7Nws yog peb tus Vajtswv;
peb yog cov neeg uas Nws tsomkwm,
peb yog pab yaj uas Nws pub zaub rau noj.
Hnubno ciali mloog tej lus uas Nws hais: #Henpl 3:7-11 #Henpl 3:15; 4:7
8“Nej tsis txhob tawv ncauj ib yam li thaum ub nej cov yawgkoob tau ua nyob rau Melinpas,
thiab thaum uas nyob rau tiaj suabpuam Maxas. #Khiav 17:1-7; Teev 20:2-13
9Thaum nyob nrad lawv tau sim Kuv siab thiab tshuaj saib Kuv,
txawm lawv twb pom tej uas Kuv tau ua pab lawv lawm los xij.
10Tau plaubcaug xyoo, Kuv dhuav cov neeg ntawd kawg li.
Kuv tau hais tias ‘Uacas lawv yuav tsis muab siab npuab Kuv hlo li!
Lawv tsis kam ua rawsli Kuv tej lus xaaj.’
11Kuv npautaws heev, Kuv thiaj coglus tseg hais tias,
‘Nej yuav tsis tau mus rau hauv lub tebchaws
uas Kuv yuav muab rau nej so.’ ” #Teev 14:20-23; 2Kev 1:34-36; Henpl 4:3, 5; 2Kev 12:9-10
Currently Selected:
Ntawv Nkauj 95: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
