Ntawv Nkauj 87
87
Qhuas Lub Nroog Yeluxalees#87:0: Lus Henplais lub ntsiablus: Cuab Kaulas zaj nkauj.
1Tus TSWV tsim Nws lub nroog rau saum lub roob dawbhuv;#87:1: roob dawbhuv: Saib 2:6.
2Nws hlub lub nroog Yeluxalees tshaj
lwm thaj chaw uas nyob hauv lub tebchaws Yixalayees.
3Vajtswv lub nroog, ciali ua tibzoo mloog
tej lus zoo uas Nws hais txog koj:
4“Thaum Kuv suav tej haivneeg uas mloog Kuv lus,
Kuv yuav suav cov Iziv thiab cov Npanpiloos huv tibsi;
cov Filixatees, cov Thailes, thiab cov Itiupias,#87:4: Lus Henplais hais tias Khuses: Khuses yog ib lub npe thaum ub uas nyob rau ib cheebtsam qabteb ntawm tus Dej Nais. Cheebtsam no, nyob rau tiam thaum nomtswv Loos kav tebchaws, yog hu ua Itiupias, uas tus ciamteb yog los ti nkaus rau tebchaws Xudas thiab tiam nimno hu ua Itiupias.
Kuv yuav suav lawv nrog cov pejxeem uas nyob hauv lub nroog Yeluxalees.”
5Lawv yuav hais txog lub roob Xi-oos tias,
txhua lub tebchaws yog pejxeem nyob rau ntawd
thiab tus uas muaj Hwjchim Loj Kawg Nkaus yuav ua kom lub roob Xi-oos nyob ruaj-khov.
6Tus TSWV yuav sau neeg tej npe
thiab suav hais tias lawv txhua tus yog pejxeem hauv lub nroog Yeluxalees.
7Lawv dhia seevcev thiab hunkauj hais tias,
“Xi-oos yog lub hauvpaus uas txhawv koobhmoov los rau peb sawvdaws.”
Currently Selected:
Ntawv Nkauj 87: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
