Ntawv Nkauj 86
86
Tej Lus Thov Kom Vajtswv Pab#86:0: Lus Henplais lub ntsiablus: Daviv cov lus thov Vajtswv.
1Tus TSWV, thov Koj mloog thiab teb kuv tej lus thov,
rauqhov kuv pluag thiab ntshaw kev pab heev.
2Thov cawm kom kuv dim ntawm txoj kev tuag, rauqhov kuv yeej ncajncees rau Koj;
thov cawm kuv, rauqhov kuv yog Koj tus tubtxib uas tsosiab rau Koj.
3Koj yog kuv tus Vajtswv, thov Koj tabncuab kuv;
kuv thov ib hnub tsausntuj ntais.
4Au tus TSWV, thov pub kom Koj tus tubtxib tau kev zoosiab,
rauqhov kuv tsuas thov Koj xwb.
5Koj yeej ua zoo rau peb thiab zam peb lub txim,
Koj txoj kev hlub uas ruaj-khov muaj rau txhua tus uas thov Koj.
6Tus TSWV, thov Koj mloog kuv tej lus thov
thiab mloog kuv lub suab quaj thov pab.
7Thaum kuv muaj kev ntxhovsiab kuv hu txog Koj,
rauqhov Koj teb kuv tej lus thov.
8Tus TSWV, lwmtus nyuag vajtswv yeej tsis zoo li Koj,
lawv cov ntawd yeej ua tsis tau tej uas Koj ua.
9Txhua haivneeg uas Koj tsim
yuav tuaj pehawm Koj;
lawv yuav ua kom Koj lub npe tau koobmeej. #Tshwm 15:4
10Koj yog tus muaj hwjchim loj thiab ua tau tej txujci tseemceeb;
Koj tibleeg xwb thiaj yog Vajtswv.
11Tus TSWV, thov qhia kuv seb Koj xav kom kuv ua licas,
kom kuv thiaj txawj ua rawsli Koj txoj kev tseeb;
thov qhia kom kuv txawj tiam Koj kawg dag kawg zog.
12Au tus TSWV uas yog kuv tus Vajtswv, kuv yuav qhuas Koj kawg siab kawg ntsws;
kuv yuav ua kom Koj lub npe tau koobmeej mus ibtxhis.
13Koj txoj kev hlub uas muaj rau kuv loj kawg li!
Koj tau cawm kuv dim ntawm lub qhovtuag los lawm.
14Au Vajtswv, cov neeg khavtheeb pheej tuaj tawmtsam kuv;
cov neeg siabphem pheej yuav muab kuv tua povtseg—
cov neeg ntawd yog cov uas tsis quavntsej Koj li.
15Tiamsis tus TSWV, Koj yog tus uas muaj kev tabncuab thiab yog tus Vajtswv uas muaj kev hlub,
ibtxwm muaj lub siabntev, siabzoo, thiab ncajncees.
16Thov Koj tig los rau ntawm kuv thiab tabncuab kuv;
txhawb kuv tus zog thiab cawm kuv;
rauqhov kuv tiam Koj ib yam li kuv niam tau tiam Koj los lawm thiab.
17Tus TSWV, thov qhia Koj txoj kev zoo rau kuv pom;
cov neeg uas ntxub kuv yuav txajmuag
thaum lawv pom Koj nplig kuv siab thiab pab kuv.
Currently Selected:
Ntawv Nkauj 86: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
