Ntawv Nkauj 85
85
Thov Vajtswv Pab Kom Muaj Kev Hlub#85:0: Lus Henplais lub ntsiablus: Cuab Kaulas zaj nkauj.
1Tus TSWV, Koj yeej foom koobhmoov rau Koj lub tebchaws;
Koj ua rau haivneeg Yixalayees rov vammeej dua.
2Koj zam Koj haivneeg tej kev txhaum,
thiab tsis suav tagnrho tej uas lawv ua tsis yog.
3Koj twb tseg tsis chim rau lawv,
thiab Koj twb tsis npautaws rau lawv lawm.
4Vajtswv uas yog peb tus Cawmseej, thov pab peb rov zoo li qub,
thiab thov tsis txhob chim rau peb lawm!
5Koj yuav chim rau peb mus ibtxhis li lov?
Koj txoj kev chim yuav tsis xam ib zaug li lov?
6Thov Koj pub kom peb rov muajzog dua,
mas peb, cov uas yog Koj haivneeg, yuav qhuas Koj.
7Tus TSWV, thov qhia Koj txoj kev hlub uas ruaj-khov rau peb,
thiab pub txoj kev cawmdim rau peb.
8Kuv tabtom mloog tus TSWV uas yog Vajtswv tej lushais rau kuv;
Nws coglus tias yog peb tsis rov mus ua tej yam ruam-ruam,
ces Nws yuav pub peb, cov uas yog Nws haivneeg, kom muaj kev thajyeeb nyabxeeb.
9Tseeb tiag, Nws yeej npaj txhij cawm cov neeg uas hwm Nws lawm,
kom Nws tus tshwjchim thiaj yuav nyob hauv peb lub tebchaws mus li.
10Kev hlub thiab kev ncajncees yuav los sibntsib;
kev ua zoo thiab kev haumxeeb yuav los sibnwj.
11Tibneeg txoj kev ncajncees yuav hlav hauv av tuaj,
thiab Vajtswv txoj kev ncajncees yuav saib saum ntuj los.
12Tus TSWV yuav ua rau peb vammeej,
ces peb lub tebchaws yuav muaj qoobloo nplua-mias rau peb sau.
13Txoj kev ncajncees yuav ua tus TSWV ntej los
thiab kho kev rau Nws.
Currently Selected:
Ntawv Nkauj 85: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
