Ntawv Nkauj 82
82
Vajtswv Yog Tus Tswj Tagnrho#82:0: Lus Henplais lub ntsiablus: Axafes zaj nkauj.
1Vajtswv ua tus tswj hauv lub rooj sablaj saum ntuj;
Nws txiavtxim rau tej nyuag vajtswv hais tias:
2“Nej yuavtsum tseg txoj kev uas txiavtxim tsis ncaj;
nej yuavtsum tsis txhob pheej tuaj cov neeg siabphem tog!
3Yuavtsum tivthaiv cov neeg pluag thiab cov menyuam ntsuas txojcai;
yuavtsum ua ncaj rau cov neeg uas raug caijtsuj thiab cov neeg uas tsis muaj leejtwg pab.
4Cawm lawv kom dim ntawm cov neeg siabphem txhais tes.
5“Uacas nej cov nyuag vajtswv ko yuav tsis paub dabtsi li! Uacas nej yuav tsis totaub dabtsi li!
Nej yeej ua tsis ncaj hlo li,
kev ncajncees thiaj ploj hauv lub ntiajteb no mus lawm.
6Kuv hais tias, ‘Nej yog tej nyuag vajtswv,
nej puavleej yog tus uas muaj Hwjchim Tshajplaws cov menyuam.’ #Yauh 10:34
7Tiamsis nej yuav tuag ib yam li tej tibneeg nqaijtawv;
thiab nej kev ua neej yuav xaus ib yam li tej nomtswv txhua tus.”
8Au Vajtswv, ciali sawv los txiavtxim rau lub ntiajteb no;
txhua haivneeg no puavleej yog Koj tug.
Currently Selected:
Ntawv Nkauj 82: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
