Ntawv Nkauj 81
81
Zaj Nkauj Hu Thaum Muaj Rooj Nojhaus Zoosiab#81:0: Lus Henplais lub ntsiablus: Los ntawm Axafes.
1Ciali qw zoosiab rau Vajtswv tus uas tivthaiv peb;
ciali hunkauj qhuas Yakhauj tus Vajtswv!
2Ciali pib ntaus nkauj nogncas thiab tej nruas npuaj;
ciali tshuab raj thiab ntaus nkauj nogncas.
3Ciali tshuab xyu rau rooj noj rooj haus thaum hli xiab thiab thaum hli nra. #Teev 10:10
4No yog cov Yixalayees txoj kevcai,
yog cov lus uas Yakhauj tus Vajtswv tau xaaj tseg.
5Nws tau muab txoj kevcai no cob rau cov Yixalayees
thaum Nws tawmtsam lub tebchaws Iziv.
Kuv hnov ib lub suab uas kuv tsis paub, tau hais tias,
6“Kuv tsaws lub nra hnyav uas nyob ntawm nej nrobqaum;
Kuv yuav tsis cia nej txhais tes nqa tej thwvcib uas hnyav-hnyav ntawd lawm.
7Thaum nej raug kev txomnyem, nej tau hu txog Kuv, thiab Kuv cawm nej dim.
Kuv teb nej tej hauv cov nagxob nagcua tuaj.
Kuv tau sim nej siab thaum nej tseem nyob ntawm lub qhovdej txhawv Melinpas. #Khiav 17:7; Teev 20:13
8Kuv haivneeg, nej ciali mloog Kuv tej lus ceebtoom;
cov Yixalayees 'e, kheevlam nej mloog Kuv tej lus xwb!
9Nej tsis txhob mus pe lwmtus nyuag vajtswv. #Khiav 20:2-3; 2Kev 5:6-7
10Kuv yog tus TSWV, yog nej tus Vajtswv,
uas tau coj nej khiav hauv tebchaws Iziv los.
Ciali rua nej lub qhovncauj, Kuv yuav pub rau nej noj.
11“Tiamsis Kuv haivneeg tsis mloog Kuv tej lus;
cov Yixalayees tsis hwm Kuv.
12Yogli ntawd, Kuv thiaj cia lawv mus rawsli lawv lub siab tawv
thiab ua rawsli lawv lub siab nyiam.
13Kheevlam Kuv haivneeg mloog Kuv lus;
kheevlam lawv ua rawsli Kuv qhia rau lawv!
14Mas Kuv yuav ceevnrooj mus ua kom lawv cov yeebncuab swb,
thiab yuav tua lawv cov yeebncuab txhua tus.
15Cov uas ntxub Kuv, yuav ntshai thiab txhoscaug ntua ntawm Kuv xubntiag;
Kuv yuav rautxim rau lawv mus ibtxhis li.
16Tiamsis Kuv yuav muab cov mov uas zoo tshajplaws rau nej noj
thiab muab tej zib ntab tim tej qabtsua rau nej kom nej txaussiab.”
Currently Selected:
Ntawv Nkauj 81: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
