Ntawv Nkauj 79
79
Thov Vajtswv Pab Cov Yixalayees#79:0: Lus Henplais lub ntsiablus: Axafes zaj nkauj.
1Au Vajtswv, lwm haivneeg twb tuaj vij Koj lub tebchaws lawm;
lawv tuaj ua tsis huv rau Koj lub Tuamtsev uas dawbhuv
thiab cia lub nroog Yeluxalees pob puas tas. #2Vaj 25:8-10; 2Xwm 36:17-19; Yelemi 52:12-14
2Lawv cia Koj haivneeg tej cev tuag rau dav npoj noj,
thiab cia Koj cov tubtxib tej cev tuag rau tej tsiaj qus noj.
3Lawv tua Koj haivneeg tej ntshav tawm ntws cuag dej;
ntshav ntws mus thoobplaws lub nroog Yeluxalees,
yeej tsis tshuav leejtwg uas yuav faus cov neeg tuag ntawd li.
4Cov neeg uas nyob puagncig peb saib tsis taus peb;
lawv luag peb plig thiab thuam peb.
5Tus TSWV 'e, Koj yuav chim rau peb mus ibtxhis li lov?
Koj txoj kev chim yuav kub li hluavtaws mus tsis paub tuag li lov?
6Tig Koj txoj kev chim mus rau haivneeg uas tsis pehawm Koj,
mus rau cov tibneeg uas tsis tsa ncauj thov Koj.
7Vim lawv tau tuaj tua Koj haivneeg,
thiab tau ua rau Koj lub tebchaws puastsuaj tas lawm.
8Thov Koj tsis txhob rautxim rau peb vim peb cov yawgkoob tej kev txhaum.
Thov tabncuab peb nimno;
vim peb tas kev ciasiab lawm.
9Vajtswv 'e, thov pab peb;
thov cawm peb thiab zam peb tej kev txhaum
kom Koj tau koobmeej.
10Vim licas yuav cia lwm haivneeg nug peb hais tias,
“Nej tus Vajtswv nyob qhovtwg?”
Thov cia peb pom Koj rautxim rau lwm haivneeg,
vim lawv tau ua rau Koj cov tubtxib nqaij ntuag ntshav nrog lawm.
11Thov Koj mloog cov neeg uas raug luag kaw tej suab quaj,
thiab los ntawm Koj lub hwjchim, thov tso cov neeg uas raug teemtxim tuag kom dim.
12Tus TSWV, thov Koj ua xya npaug pauj rau cov tibneeg siabphem ntawd,
vim tej uas lawv tau ua txobthuam Koj.
13Ces peb, cov uas yog Koj haivneeg, pab yaj uas yog Koj tug,
yuav ua Koj tsaug mus tag ibtxhis
thiab qhuas Koj ib tiam rau ib tiam.
Currently Selected:
Ntawv Nkauj 79: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
