Ntawv Nkauj 77
77
Lus Npligsiab Thaum Ntxhovsiab#77:0: Lus Henplais lub ntsiablus: Axafes zaj nkauj.
1Kuv tsa suab hlo quaj rau Vajtswv;
kuv tsa suab hlo quaj, mas Nws hnov kuv lub suab.
2Thaum kuv muaj kev ntxhovsiab, kuv thov tus TSWV;
kuv tsa tes thov Nws ib hmos nkaus,
tiamsis tsis muaj dabtsi nplig tau kuv lub siab li.
3Thaum kuv xav txog Vajtswv, kuv seevyees;
thaum kuv lub siab xav txog Vajtswv, kuv qaugzog heev.
4Vajtswv ua rau kuv tsis tsaugzog ib hmos nkaus;
kuv ntxhovsiab heev kuv hais tsis taus lus li.
5Kuv xav txog lub caij lub nyoos uas dhau los,
thiab nco txog ntau xyoo uas dhau los lawm.
6Kuv xav#77:6: Tej cov ntawv qub-qub thaum ub sau hais tias xav; phau lus Henplais hais tias hunkauj. tsheej tashmo;
kuv lub siab hais tujtaws li no:
7“Tus TSWV txawm yuav tsis lees paub peb li lov?
Nws yuav tsis txaussiab rau peb ntxiv li lawm lov?
8Nws muab peb tsotseg tsis hlub peb lawm lov?
Nws tej lus cogtseg txawm yuav tsis tiav li lawm lov?
9Puas yog Vajtswv tsis ncoqab tabncuab peb lawm?
Puas yog txoj kev chim los hloov Nws txoj kev hlub chaw lawm?”
10Ces kuv txawm hais tias, “Yam uas mob kuv siab tshajplaws yog li no—
Vajtswv txhais tes uas muaj hwjchim tsis pab peb lawm.”#77:10: Nqe 10 no paub tsis meej tias lus Henplais yog txhais licas tiag.
11Tus TSWV, kuv yuav ncontsoov Koj tej haujlwm uas tseemceeb;
Kuv yuav rov ncontsoov tej txujci tseemceeb uas Koj tau ua yav tas los lawm.
12Kuv yuav xav txog txhua yam uas Koj tau ua tas los;
kuv yuav xavntsoov txog Koj tej haujlwm uas tseemceeb.
13Au Vajtswv, txhua yam uas Koj ua, yeej yog yam dawbhuv.
Tsis muaj ib tug nyuag vajtswv twg uas muaj hwjchim cuag Koj.
14Koj yog tus Vajtswv uas ua tau tej txujci tseemceeb;
Koj qhia rau ntau haivneeg pom Koj lub hwjchim.
15Koj tau siv Koj lub hwjchim los cawm Koj haivneeg,
uas yog Yakhauj thiab Yauxej nkawd cajces.
16Vajtswv, thaum tej dej pom dheev Koj, mas lawv ntshai heev,
thiab hiavtxwv qhov tob-tob los yeej ntshai tsheehnyo.
17Tej huab tso nag los;
xob nroo nrov ntxhe ntws saum nruabntug;
thiab xob laim cig liab vog rau txhua qhov.
18Koj cov xob nroo nrov ntxhe ntws tuaj,
thiab xob laim cig liab vog thoob ntiajteb,
ua rau lub ntiajteb uazog koog.
19Koj mus kev saum tej nthwv dej uas ntas nphau nphwv;
Koj hla pes hlo tej hiavtxwv twb,
tiamsis tsis pom Koj tus hneevtaw tsuj qhovtwg li.
20Koj coj Koj haivneeg kev ib yam li tus tswv yug yaj coj nws pab yaj
uas yog Aloos thiab Mauxes nkawd ua ob tug coj.
Currently Selected:
Ntawv Nkauj 77: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
