Ntawv Nkauj 76
76
Vajtswv Yog Tus Muajyeej#76:0: Lus Henplais lub ntsiablus: Axafes zaj nkauj.
1Nyob hauv Yudas, tej neeg puavleej paub Vajtswv;
nyob hauv Yixalayees, sawvdaws puavleej hwm Nws lub npe.
2Nws lub tsev yog nyob hauv Yeluxalees;
Nws nyob saum lub Roob Xi-oos.
3Nyob rau qhov ntawd, Nws lov cov yeebncuab tej xub hneevnti,
tej hlau thaiv cev, tej ntaj, thiab tej cuabyeej uarog.
4Vajtswv, Koj tus tshwjchim ci ntsa-iab!
Thaum Koj nqis saum tej roob uas Koj kovyeej Koj cov yeebncuab los,
mas Koj muaj hwvxyeej kawg li.
5Lawv cov yeebncuab tej tubrog uas siab tawv tshajplaws,
los raug luag tua tuag thiab tseem raug luag huab lawv tej khoom mus tas du lug;
yeej tsis muaj ib tug uas yuav tsa taus lawv txhais tes los tawmtsam peb li.
6Yakhauj tus Vajtswv, thaum Koj tsa suab cem lawv,
ces ciali ua rau lawv cov tubrog caij nees thiab lawv tej nees tuag tas.
7Tiamsis tus TSWV, txhua leej txhua tus yeej ntshai Koj.
Thaum Koj chim, tsis muaj leejtwg yuav muaj cuabkav sawv tabmeeg Koj.
8Koj qhia Koj txoj kev txiavtxim saum ntuj los rau sawvdaws paub;
mas lub ntiajteb ntshai thiab nyob ntsiagto.
9Thaum Koj sawvtsees txiavtxim,
Koj cawm tagnrho cov neeg uas raug luag tsimtxom hauv ntiajteb no.
10Vajtswv, Koj txoj kev chim rau noobneej tseem hajyam ua rau Koj raug qhuas ntxiv;
cov neeg uas dim Koj txoj kev chim yuav pehawm Koj nyob rau Koj lub rooj noj rooj haus.#76:10: Ib phau ntawv qub-qub thaum ub sau hais tias npaj kom muaj rooj noj rooj haus; nqe 10 no paub tsis meej tias lolus Henplais yog txhais licas tiag.
11Ciali muab yam uas nej twb tau coglus rau tus TSWV, uas yog koj tus Vajtswv lawm, rau Nws;
txhua haivneeg uas nyob ze, ciali nqa nej tej khoomplig tuaj rau Nws.
Vajtswv ua rau txhua tus hwm Nws;
12Nws muab tej vajntxwv cov tub uas khavtheeb txo hwjchim
thiab ua kom cov vajntxwv uas muaj hwjchim ntshai Nws.
Currently Selected:
Ntawv Nkauj 76: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
