Ntawv Nkauj 75
75
Vajtswv Yog Tus Txiavtxim#75:0: Lus Henplais lub ntsiablus: Axafes zaj nkauj.
1Au Vajtswv, peb ua Koj tsaug! Peb ua Koj tsaug rauqhov Koj nyob ze peb!
Peb qhia tias Koj muaj hwjchim loj kawg nkaus thiab qhia txog tej txujci tseemceeb uas Koj tau ua.
2Vajtswv hais tias, “Kuv tau teem ib lub sijhawm cia rau kev txiavtxim lawm,
mas Kuv yuav txiavtxim kom ncajncees.
3Thaum lub ntiajteb thiab tej neeg txhua tus uazog koog thiab tsheehnyo,
Kuv yuav tuav tej ncej kom nyob ruaj khovkho.
4Kuv hais rau cov neeg uas tsa hwjchim kom tsis txhob khavtheeb;
5Kuv txwv kom lawv tseg lawv txoj kev khavtheeb.”
6Kev txiavtxim tsis yog tuaj sab hnubtuaj lossis sab hnubpoob tuaj,
tsis yog tuaj sab qaumteb lossis sab qabteb tuaj;#75:6: Nqe no sau hais tias tuaj sab qaumteb lossis sab qabteb tuaj; phau lus Henplais hais tias tuaj tom tiaj suabpuam tuaj.
7tiamsis Vajtswv yog tus uas yuav txiavtxim,
Nws yuav muab qeeleej txo thiab tsa qeeleej sawv.
8Tus TSWV tuav rawv ib lub khob ntawm Nws txhais tes,
uas muaj cawv txivhmab sibtim npau npuas vos puvnkaus Nws txoj kev chim.
Nws muab hliv los rau txhua tus tibneeg siabphem haus;
lawv haus khee hlo hauv qab khob.
9Tiamsis kuv yuav tsis tseg qhov uas hais txog Yakhauj tus Vajtswv
lossis hunkauj qhuas Nws.
10Nws yuav muab cov neeg phem lub hwjchim txo,
tiamsis Nws yuav ntxiv hwjchim rau cov neeg ncajncees.
Currently Selected:
Ntawv Nkauj 75: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
