Ntawv Nkauj 74
74
Thov Vajtswv Cawm Cov Yixalayees#74:0: Lus Henplais lub ntsiablus: Axafes zaj pajlug.
1Au Vajtswv, vim licas Koj muab peb tsotseg li no?
Koj yuav chim rau Koj haivneeg mus ibtxhis li lov?
2Thov Koj ncontsoov haivneeg uas Koj tau xaiv los ua Koj tug ntau xyoo los lawm,
yog haivneeg uas Koj tau tso dim kev ua luag qhev los ua Koj haivneeg.
Thov ncontsoov lub Roob Xi-oos, uas Koj tau los nyob ib zaug lawm.
3Koj ciali mus ncig kom thoobplaws tej uas puasntsoog tag ntawd seb;
peb cov yeebncuab tuaj muab txhua yam hauv lub Tuamtsev rhuav puastsuaj tas.
4Koj cov yeebncuab tuaj qw uatsoj uatsaug hauv Koj lub Tuamtsev;
lawv tuaj txhos lawv tej chij ua cim qhia tias lawv kovyeej lawm.
5Lawv zoo li cov neeg txawj ntov ntoo,
uas muab taus#74:5: Nqe 5 no paub tsis meej tias lolus Henplais yog txhais licas tiag. los ntov tej ntoo.
6Lawv nqa taus thiab rauj
tuaj tsoo tej txiag ntoo tawg tas.
7Lawv tuaj lauj Koj lub Tuamtsev thiab tis hluavtaws hlawv kubhnyiab tas;
lawv ua rau thaj chaw uas peb pehawm Koj tsis huv lawm.
8Lawv yeej xav tuaj tsoo kom peb tawg mosnyoos;
lawv thiaj tis hluavtaws hlawv txhua thaj chaw uas pehawm Vajtswv hauv lub tebchaws no.
9Peb tej cim tseemceeb ploj tag;
tsis tshuav ib tug xibhwb cev Vajtswv lus seem nyob li,
thiab yeej tsis muaj leejtwg paub tias xyov thaum twg tej no thiaj yuav xaus mus.
10Vajtswv 'e, peb cov yeebncuab yuav hais saib tsis taus Koj mus txog thaum twg?
Lawv yuav txobthuam Koj lub npe mus ibtxhis li lov?
11Vim licas Koj thiaj tsis kam pab peb?
Vim licas Koj muab Koj ob txhais tes zais rau tom Koj nrobqaum?#74:11: Nqe no sau hais tias Vim licas Koj muab Koj ob txhais tes zais rau tom Koj nrobqaum; paub tsis meej tias lolus Henplais yog txhais licas tiag txog qhov no.
12Vajtswv, Koj yeej yog peb tus Vajntxwv thaum chivkeeb los;
Koj yeej tau cawm peb dim ntau zaus los lawm.
13Koj siv Koj tus zognchav muab hiavtxwv faib ua ob sab,
thiab muab tej zaj hauv hiavtxwv tej taubhau tsoo ntsoog tas; #Khiav 14:21
14Koj muab tus Leviathas#74:14: Leviathas: Zaj dabneeg uas hais txog tus Leviathas uas piv txog lub cim ntawm txoj kev phem kev qias. lub taubhau tsoo
thiab muab nws lub cev coj mus rau tej tsiaj#74:14: tej tsiaj; lossis tibneeg. tom tiaj suabpuam noj. #Yauj 41:1; Nnkauj 104:26; Yaxaya 27:1
15Koj tsim muaj tej qhovdej txhawv thiab dej cag ntws laublug;
thiab Koj ua rau tej dej loj uas ntws qhuav tag huv tibsi.
16Koj yog tus uas tsim kom muaj nruabhnub thiab hmontuj;
Koj muab lub hnub thiab lub hli tso nyias nyob muaj nyias chaw;
17Koj tau cais kom muaj ciam rau lub ntiajteb;
Koj ua kom muaj ntuj kub thiab ntuj no.
18Tiamsis tus TSWV, ncontsoov tias Koj cov yeebncuab luag Koj plig kawg,
lawv yog cov neeg ruam uas thuam Koj.
19Thov tsis txhob cia Koj cov nquab raug tej tsiaj qus muab tom;
tsis txhob hnovqab txog Koj haivneeg uas pheej raug luag muab tsimtxom tas mus li!
20Ncontsoov tej uas Koj tau nrog peb coglus uake lawm;
rauqhov muaj kev kubntxhov ua rau tsausntuj nti nyob rau txhua cegkaum hauv lub tebchaws.
21Thov tsis txhob cia cov neeg uas raug luag tsimtxom poob ntsejmuag;
thov cia cov neeg pluag thiab cov neeg txomnyem tau qhuas Koj.
22Vajtswv, ciali sawv los hais Koj rooj plaub!
Ncontsoov tias cov neeg ruam ntawd luag Koj plig tashnub li.
23Tsis txhob hnovqab Koj cov yeebncuab tej suab qw uas npautaws vog,
lawv tej suab qw uas nrov tashnub tsis ntsiag li.
Currently Selected:
Ntawv Nkauj 74: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
